U Bubiligi : Abanyekongo bateye Ambasade yabo i Buruseri

U Bubiligi : Abanyekongo bateye Ambasade yabo i Buruseri


Yanditswe kuya 23-11-2012 - Saa 17:57' na Karirima A. Ngarambe

Abanyekongo batuye mu mujyi wa Buruseri ku wa gatatu w’iki cyumweru nyuma ya saa sita barigaragambije binjira aho Ambasade ya Congo mu Bubiligi ikorera bita rue Marie de Bourgogne muri komine ya Ixelles, bakubita umukozi wa Ambasade ushinzwe umutekano baboneza mu magorofa ya Ambasade bakomeza guteza akaduruvayo.

Aho polisi y’u Bubiligi ihagereye yafashemo abigaragambyaga bagera kuri 12, nyuma umutekano urongera uba wese.

Kuri uyu wa kane umunyamakuru wa IGIHE mu Bubiligi yageze aho bita Matonge higanje Abanyekongo mu murwa mukuru w’u Bubiligi Buruseri, asanga abapolisi ari benshi cyane ku irondo bazengurutse ako gace kabamo amasoko y’Abanyafurika cyane Abanyekongo n’Abanyarwanda.

Uyu munsi mu gitondo icyakora hagaragaye inyandiko ngufi hagati y’Abanyarwanda batuye n’abagenda i Buruseri, zivuga ngo barinde umutekano wabo birinda kwegera ahabera imyigaragambyo bakekaga ko ishobora kubera muri Matonge aho bita Porte de Namur ku isaha ya saa munani mu Bubiligi.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO