U Budage: Minisitiri w’uburezi yeguye azira gukopera asoza Kaminuza

U Budage: Minisitiri w’uburezi yeguye azira gukopera asoza Kaminuza


Yanditswe kuya 9-02-2013 - Saa 17:19' na James Habimana

Amakuru aturuka mu gihugu cy’u Budage aravuga ko uwari Minisitiri w’uburezi Annette Schavan yeguye ku mwanya we, nyuma yo gusanga igitabo yanditse gisoza amashuri ye, yaragikoroshejemo ibyo yari yateruye mu bindi bitabo by’abandi banditse.

Iki gikorwa cyatahuwe na Kaminuza ya Duesseldorf’s Heinrich Heine University, nyuma yo gukora igenzura kuri uyu Mudamu w’imyaka 57 usanzwe ari n’inshuti ikomeye ya Chancellor Angela Merkel w’u Budage.

Mu myaka 33 ishize, ni bwo Annette Schavan yahawe iyi mpamyabushobozi. Nyuma yo gusanga ko hari ibice bimwe bigize igitabo cye, byagiye bivanwa ahantu hatandukanye.

BBC iravuga ko mu mwaka wa 2011, na bwo uwari Minisitiri w’ingabo Karl-Theodor Guttenberg, na we yeguye kuri uyu mwanya nyuma yo gusanga yarakoreshaga impamyabushobozi mpimbano.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO