U Bufaransa bugiye gufunga Ambasade 20 nyuma y’inkuru ya Charlie Hebdo

UBufaransa bwatangaje ko kuri uyu wa Gatanu buzafuga by’agateganyo Ambasade n’amashuri mu bihugu 20 kubera inkuru ishushanyije yatangajwe n’igitangazamakuru Charlie Hebdo, cyashushanyije Intumwa Mohammad.

Inkuru dukesha BBC ivuga ko izo nyandiko zisekeje zerekana umuhanuzi Mohammad, ngo zishobora guteza ibibazo bidasanzwe nyuma y’amasengesho yo kuwa Gatanu.

Minisitiri w’Ububanyi n’Amahanga mu u Bufaransa, Laurent Fabius, yavuze ko atewe impungenge n’amashuso 20 yasohotse mu kinyamakuru Charlie Hebdo.

Icyo kinyamakuru cyanditse inkuru zisekeje ku myigaragambyo yo kwamagana Leta Zunze Ubumwe z’Amerika, yari yatejwe na filimi yakorewe muri icyo gihugu isiga isura mbi Intumwa Mohammad.

Ibiro by’icyo kinyamakuru byatwitswe mu kwezi kwa cumi na kumwe mu mwaka ushize, ubwo cyasohoraga ibishushanyo nk’ibyo.