U Bufaransa : Sena yimye umugisha umusoro watumye Gerard Depardieu n’abandi bava mu gihugu

U Bufaransa : Sena yimye umugisha umusoro watumye Gerard Depardieu n’abandi bava mu gihugu


Yanditswe kuya 1er-01-2013 - Saa 11:09' na Emmanuel Kanamugire

Nyuma y’uko umuhanga mu byo gukina filimi Gerard Depardieu ahunze igihugu kubera umusoro mushya wa 75% ku nyungu ziri hejuru ya miliyoni imwe y’amayero [amafaranga akoreshwa mu Burayi] wari washyiriweho kuzamura ingengo y’imari ya 2013 mu Bufaransa, akanama gashinzwe iby’itegekonshinga kanze gushyigikira iki cyemezo.

Iki cyemezo cyafatiwe ku rwego rwa sena y’iki gihugu, rukaba rwarasabye ko iby’uyu musoro byakosorwa bikabona kugarurwa mu nteko.

Urubuga 7 sur 7 dukesha iyi nkuru rutangaza ko uyu musoro utari usanzwe warebaga abantu bagera ku 1500 mu gihugu cyose, basabwaga amayero agera ku bihumbi 140 mu gihe cy’imyaka ibiri.

Inzobere mu kurinda Itegekonshinga n’andi mategeko mu Bufaransa bateye utwatsi icyo cyiciro cy’umusoro, bavuga ko utubahirije ihame ry’uko abantu bose bareshya mu bikorwa bya Leta.

Ishyaka ry’abatavuga rumwe n’ubutegetsi buriho mu Bufaransa ryatunze agatoki Leta ya Perezida Francois Hollande ko ihanika imisoro.

Icyemezo cyo kuvanaho uyu musoro cyafashwe ku ya 29 Ukuboza 2012, kikaba kije nyuma y’uko Gérard Depardieu yari yaramaze guhungira mu Bubiligi.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO