Ubwicanyi bw’i Newton niwo munsi mubi wa Obama kuva yaba perezida

Ubwicanyi bw’i Newton niwo munsi mubi wa Obama kuva yaba perezida


Yanditswe kuya 31-12-2012 - Saa 09:18' na Noel Turikumwe

Perezida Barack Obama yatangaje ko umunsi wamubereye mubi kuva yaba perezida ari uwakoreweho ubwicanyi I Newton bwahitanye abantu 26 barimo abanyeshuri 20 b’imyaka itandatu n’irindwi.

Mu kiganiro cyatanbutse kuri televiziyo ya NBC yavuze ko uyu munsi wamubabaje, kandi avuga ko agiye gukoresha imbaraga muri politiki zikumira ubundi bwicanyi bushingiye ku ntwaro.

Mu minsi ishize Obama yari yashinze visi perezida Joe Biden gukusanya ibintu byose byagaragara nk’igisubizo mu gucunga intwaro mu baturage. Obama nawe avuga ko azagenzura ibizaba byashyizweho n’itsinda rya Joe Biden.

Perezida Obama ariko ntacyo yavuze ku cyifuzo cyo gushyira intwaro mu mashuri. We yatangaje ko kuva ubwo bwicanyi bwaba ababyeyi benshi bumvise cyaba igisubizo.

Obama asobanura ko we icyo yemera ku bijynye n’intwaro mu baturage ari uko bareka kugurisha intwaro nini, izifite sharigeri zifite ubushobozi buhambaye ndetse hakagenzurwa imibereho y’umuntu ushaka kugura intwaro.

Hashize iminsi 17 ubwicanyi bwakorewe abanyeshuri bo mu ishuri ribanza I Newton muri leta ya Connect-cut bubaye. Leta Zunze Ubumwe za Amerika zigaragara nk’izashyuhijwe umutwe n’ubu bwicanyi, kuko hari byinshi mu mategeko arebana n’itungwa ry’imbunda n’abaturage bishobora guhinduka.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO