Kwamamaza

Perezida Kagame yageneye Abanyarwanda ubutumwa bujyanye n’iya 1 Ukwakira

Yanditswe kuya 2-10-2016 saa 08:55' na IGIHE


Perezida Kagame yifurije Abanyarwanda umunsi mwiza wo gukunda igihugu anacyeza uruhare rw’abitanze yaba abapfuye n’abakiriho baharaniye ko u Rwanda rutekana.

Mu butumwa yanyujije ku rukuta rwe rwa Twitter kuri uyu wa 1 Ukwakira, Umunsi wo gukunda Igihugu, yagize ati “Umunsi mwiza wo gukunda igihugu ku Banyarwanda bose. Nshimiye by’umwihariko abatanze ibyabo byose, abapfuye n’abandi bakiriho. Urugamba ruracyakomeje.”

Itariki ya Mbere Ukwakira ni umunsi udasanzwe, abanyarwanda bazirikanaho ubudasa mu gukunda igihugu, kuko ari bwo APR, ishami rya Gisirikare mu muryango FPR-Inkotanyi, ryagabye igitero ku mupaka wa Kagitumba riyobowe na Gen. Maj. Fred Gisa Rwigema.

Iyi tariki ni yo yashyiriweho mu bikorwa umugambi wo gufasha abanyarwanda gutahuka nyuma y’imyaka isaga 30 bari bamaze barahejejwe mu buhungiro, kandi ubutegetsi bwariho icyo gihe bukaba bwari bwaranangiye kubacyura mu nzira y’amahoro.

Ku itariki ya 2 Ukwakira uwari Umugaba Mukuru wa APR, Maj.Gen.Fred Gisa Rwigema yahise araswa arapfa, ndetse indi minsi 12 yakurikiyeho benshi mu bari muri urwo rugamba bahasize ubuzima.

Byabaye ngombwa ko hatumizwa Maj.Paul Kagame wari uri gukarishya ubwenge mu bya gisirikare muri Leta Zunze Ubumwe za Amerika, maze kuwa 20 Ukwakira, ahita aza akomereza urugamba aho abandi bari bageze, aho yazanye ibishya byinshi mu buryo bw’imirwanire, maze urugamba ruhindura isura.

Umurava, ubwitange bishamikiye ku rukundo abo banyarwanda bari bafitiye igihugu cyababyaye, byatumye FPR-Inkotanyi n’ingabo zayo begukana intsinzi nyuma y’iminsi 1400.

Inkuru bifitanye isano: Amatariki y’ingenzi y’ urugamba rwo kubohora u Rwanda


Kwamamaza

Kwamamaza
IZINDI NKURU WASOMA
Tariki 9 Ukuboza
2016-12-09 07:37:00
Tariki ya 7 Ukuboza
2016-12-07 06:30:00
Tariki 6 Ukuboza
2016-12-06 06:51:03
Tariki ya 4 Ukuboza
2016-12-04 06:30:00
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved