Kwamamaza

Tariki 10 Ugushyingo

Yanditswe kuya 10-11-2015 saa 06:30' na SHIKAMA Dioscore


Tariki 10 Ugushyingo ni umunsi wa 315 mu minsi igize umwaka, hasigaye iminsi 50 uyu mwaka ukagera ku musozo.
Bimwe mu byaranze uyu munsi
1775: Uwitwa Samuel Nicholas yashinze umutwe w’ingabo zirwanira mu mazi mu gisirikare cya Leta Zunze Ubumwe za Amerika. Uyu mutwe wavukiye ahitwa Tun Tavern muri Philadelphia.
1847: Ubwato butwara abantu buzwi ku izina rya Stephen Whitney bwakoze impanuka buri mu Majyepfo ya Ireland bumaze kugonga ikirwa, ihitana abantu 92 mu 110 bari baburimo. Ibi (...)

Tariki 10 Ugushyingo ni umunsi wa 315 mu minsi igize umwaka, hasigaye iminsi 50 uyu mwaka ukagera ku musozo.

Bimwe mu byaranze uyu munsi

1775: Uwitwa Samuel Nicholas yashinze umutwe w’ingabo zirwanira mu mazi mu gisirikare cya Leta Zunze Ubumwe za Amerika. Uyu mutwe wavukiye ahitwa Tun Tavern muri Philadelphia.

1847: Ubwato butwara abantu buzwi ku izina rya Stephen Whitney bwakoze impanuka buri mu Majyepfo ya Ireland bumaze kugonga ikirwa, ihitana abantu 92 mu 110 bari baburimo. Ibi byabaye intandaro yo gukora Fastnet Rock Lighthouse, ahantu hari itara rirerire riyobora amato.

1885: Major Henry Wirz yabaye umusirikare wa mbere mu ngabo za Leta Zunze Ubumwe z’Amerika wishwe ahowe ibyaha by’intambara yari yarakoreye mu ntambara ya gisivile muri iki gihugu.

1971: Muri Cambodia, ingabo za Khmers Rouges zagabye ibitero mu Mujyi wa Phnom Penh ndetse no ku kibuga cy’indege cyawo, zihitana abantu 44 ndetse zangize n’indege zirenga 30.

1989: Todor Zhivkov wari umukuru wa Repubulika ya Bulgaria igihe kirekire yakuwe ku butegetsi asimburwa na Petar Mladenov.

2007: Hagati y’umwami wa Espagne Juan Carlos ndetse na Perezida wa Venezuela Hugo Chávez hatutumbye impagaragara ziswe ¿Por qué no te callas? (Kuki udaceceka?) Icyo gihe umwami yari asabye Hugo Chavez gutuza.

Bamwe mu bavutse uyu munsi

1919: Moise Tshombe, wabaye umwe mu banyapolitikiki bakomeye mu gihugu cya Repubulika iharanira Demokarasi ya Congo, cyane cyane mu guharanira ubwigenge bw’intara ya Katanga.

Moise Tshombe

1956: Mohsen Badawi, rwiyemezamirimo ndetse n’impirimbanyi ya demokarasi ukomoka mu gihugu cya Misiri.

Bamwe mu batabarutse uyu munsi

2003: Canaan Banana, wari umunyapolitiki mu gihugu cya Zimbabwe.

2008: Umuhanzi w’icyamamare ku mugabane wa Afurika Miriam Makeba. Uyu mugore yamenyekanye cyane kubera uburyo yarwanyije bikomeye ivangura rishingiye ku ruhu ryaranze igihugu cye cya Afurika y’Epfo igihe kitari gito. Indirimbo ye ’Malaika’ yamenyekanye ku isi yose, ishyirwa mu ndirimbo 100 z’ikinyejana cya 20.

Miriam Makeba

Kwamamaza
IZINDI NKURU WASOMA
Tariki 31 Nyakanga
2016-07-31 07:30:00
Tariki 29 Nyakanga
2016-07-29 06:30:00
TARIKI 28 NYAKANGA
2016-07-28 06:00:00
Tariki 27 Nyakanga
2016-07-27 06:00:00
Tariki 26 Nyakanga
2016-07-26 06:30:00
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Sunday 31 July 2016
Copyright © 2009 -2014 - IGIHE Ltd - All Rights Reserved