Tariki 14 Mutarama


Yanditswe kuya 14-01-2013 - Saa 07:50'

Tariki 14 ni umunsi wa 14 mu minsi igize umwaka, hasigaye iminsi 351 uyu mwaka ukagera ku musozo.

Bimwe mu byaranze uyu munsi

1858 : Napoleon III, Umwami w’abami w’igihugu cy’u Bufaransa yasimbutse igitero cyari kigamije kumuhitana.

1907 : Mu gihugu cya Jamaica habaye umutingito ukomeye wibasiye umujyi wa Kingston usiga uhitanye abagera ku gihumbi.

1954 : Uwitwa Jagadguru Kripalu Maharaj yahawe izina ry’intera imugira umwarimu wa gatanu wa Jagadguru (Umwarimu w’isi) nyuma y’iminsi irindwi atanga ibiganiro imbere y’abanyeshuri 500 b’ahabindu.

1960 : Mu gihugu cya Australiya hatangijwe Banki y’ukwizigamira (Reserve Bank of Australia), iyi yari banki y’igihugu.
1969 : Kuruganda rwitwa the USS Enterprise (CVN-65) habereye impanuka yiturika ryahitanye abantu bagera kuri 27.

1998 : Indege itwara imitwaro yo mu gihugu cya Afganistan yakoreye impanuka ku musozi uherereye mu Majyepfo ya Pakistan ihitana abantu bagera kuri 50.

1999 : Uwitwa Mel Lastman wari umuyobozi w’umujyi wa Ontario muri Canada yabaye umuyobozi wa mbere w’umujyi wiyambaje ubutabazi bw’ibanze abusabye ingabo zagombaga kugoboka umujyi wari ugeze muri kimwe cya kabiri warengewe n’urubura.

2000 : Umuryango w’Abibumbye wakatiye ibihano byo gufungwa Abanyabosiniya bavanze n’Abanyakorowasiya igihano cyo gufungwa kugera ku myaka 25 bazira ubwicanyi bwakozwe mu mwaka w’1993 bugahitana Abayisilamu bagera ku ijana biciwe mu gace ka Bosnia.

2004 : Ibendera rya Repubulika ya Georgia rizwi no ku izina rya five cross flag, umuntu agenekereje yakwita urusobe rw’amabendera atanu ryongeye gukoreshwa nyuma y’imyaka igera kuri 500 ridakoreshwa.

2011:Ben Ali wahoze ari umukuru w’igihugu cya Tuniziya, yahungiye mu gihugu cya Saudi Arabia bitewe n’imyigaragambyo ikomeye yari mu gihugu cye ikorwa n’abaturage.

Bamwe mu bavutse uyu munsi

1950 : Jagadguru Rāmabhadrācārya, umuyobozi w’idini gakondo rya Hindu wo gihugu cy’u Buhinde.

1982 : Léo Lima, umukinnyi w’umupira w’amaguru ukomoka mu gihugu cya Brazil.

Bamwe mu batabarutse uyu munsi

2007 : Vassilis Photopoulos, umuyobozi w’amafilimi ukomoka mu gihugu cy’u Bugereki.

2010 : Petra Schürmann, Umudagekazi wigeze kuba nyampinga mu rwego rw’isi mu mwaka 1956.

Petra Schürmann ubwo yatorerwaga kuba Nyampinga w'Isi mu 1956

Ibindi

Umunsi mwiza kuri Nina, Ninette, Ninon na Nino.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO