Tariki 25 Ugushyingo

Tariki 25 Ugushyingo


Yanditswe kuya 25-11-2013 - Saa 12:04' na Elisée Mpirwa

Tariki 25 Ugushyingo ni umunsi wa 329 mu minsi igize umwaka, hasigaye iminsi 36 uyu mwaka ukagera ku musozo.

Bimwe mu byaranze uyu munsi

1759 : Umutingito ukomeye wibasiye agace ka Mediterranean usenya bikomeye Umujyi wa Beirut na Damascus usiga uhitanye abantu babarirwa hagati y’ibihumbi 30 na 40.

1917 : Ingabo z’Abadage zakubise inshuro iza Portugal mu gitero cyabereye ahitwa Negomano hashyirwaho umupaka hagati ya Mozambique na Tanzaniya.

1926 : Icyago cy’umuyaga tornado cyibasiye Leta Zunze Ubumwe z’Amerika, ku munsi mukuru wa Thanksgiving umunsi w’ikiruhuko wizihizwa ku munsi wa kane w’icyumweru cya Kane cy’Ugushyingo, uyu munsi wabaye uwamakuba dore ko wasize uhitanye abantu bagera kuri 51 muri Arkansas, abandi bagera kuri 400 barakomereka.

1963 : Uwahoze ari Perezida wa Leta Zunze Ubumwe z’Amerika John F. Kennedy yashyinguwe ahitwa Arlington National Cemetery.

John F. Kennedy

1970 : Mu gihugu cy’u Buyapani, umuyobozi witwa Yukio Mishima hamwe n’undi murwanashyaka bari kumwe, bahisemo gufata umwanzuro wo kwiyahura nyuma yo kunanirwa kugera ku ntego yabo yo gufata ubutegetsi.

1973 : George Papadopoulos wari uyoboye u Bugereki ubwo bwategekwaga n’abasirikare yahiritswe ku butegetsi na Brigadier General Dimitrios Ioannidis.

1975 : Igihugu cya Suriname cyahawe ubwigenge n’u Buholandi.

1977 : Uwari Senateri muri Philippine Benigno Aquino, Jr. Yahamwe n’ibyaha yaregwaga maze akatirwa igihano cy’urupfu.

1988 : Umunyapolitiki w’Umudage Rita Süssmuth yatorewe kuyobora inteko ari yo Bundestag.

1992 : Ihuriro rya Czechoslovakia ryemeje ko igibanywamo kabiri ikavamo Repubulika ya Czech na Slovakia guhera tariki ya 1 Mutarama 1993.

1996 : Imvura y’amahindu yaguye mu gice cyo hagati cya Leta Zunze Ubumwe z’amerika yica abantu 26.

2008 : Imodoka itezemo igisasu yaturikiye St. Petersburg mu Burusiya yica batatu ikomeretsa umwe.

Bamwe mu bavutse uyu munsi

1981 : Barbara na Jenna Bush, abakobwa ba George W. na Laura Bush.

1991 : Luca Tremolada, umukinnyi w’umupira w’amaguru w’Umutaliyani.

Bamwe mu batabarutse uyu munsi

2006 : Phyllis Fraser Cerf Wagner, Umukinnyi w’amafilime n’umwanditsi w’udutabo tw’abana.

2010 : Alfred Balk, umunyamakuru w’Umunyamerika.

2010 : C. Scott Littleton, umuhanga mu byerekeye imico y’abantu ukomoka muri Amerika.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO