Tariki ya 13 Mutarama

Tariki ya 13 Mutarama


Yanditswe kuya 13-01-2013 - Saa 11:01' na Rene Anthere Rwanyange

Tariki 13 Mutarama ni umunsi wa 13 mu minsi igize umwaka, hasigaye iminsi 352 uyu mwaka ukagera ku musozo.

Bimwe mu byaranze uyu munsi

1822 : Igishushanyo nteguza cy’ibendera ry’u Bugiriki cyemewe n’inteko rusange ya mbere y’iki gihugu yari yateraniye ahitwa Epidaurus.

1830 : Muri Leta ya Louisiana na New Orleans hadutse inkongi y’umuriro ikomeye.

Andrew Jackson

1832 : Muri Leta Zunze Ubumwe z’Amerika, Perezida Andrew Jackson yandikiye Visi Perezida Martin Van Buren amusobanurira ibisa n’ukwigomeka ku butegetsi kwa Leta ya Carolina y’Amajyepfo mu cyo yise Nullification Crisis.

1895 : Intambara ya Coatit.

1910 : Muri Leta Zunze Ubumwe z’Amerika, bwa mbere humvikanye radiyo rusange (first public radio broadcast), mu buryo bw’ako kanya bizwi nka live igikorwa cy’isakazamajwi cyabereye muri New York ahitwa Metropolitan Opera House.

1915 : Umutingito ukomeye wibasiye agace ka Avezzano, mu gihugu cy’u Butaliyani uhitana abantu basaga bihumbi 29.

1935 : Mu bisa n’icyegeranyo kivuye mu matora cyerekanye ko abatuye Saaland ku mpuzandengo irenga gato 90% bifuzaga kuba Abanazi bo mu gihugu cy’u Budage.

1939 : Hari kuwa Gatanu, uyu munsi waje guhabwa akabyiniriro ka Black Friday umuntu agenekereje yagira ati "Uwa gatanu wirabura" ubwo inkongi y’umuriro mu gihugu cya Australiya yatwikaga ahantu hagera ku birometero kare ibihumbi 20 igahitana abandi 71.

1953 : Marshal Josip Broz Tito yatoranyijwe kuba Perezida wa Yugoslavia.

1958 : Umutwe wa gisirikare mu gihugu cya Marocco uzwi nka Moroccan Liberation Army wateze umutego ingabo za Espagne mu gitero cyabereye ahitwa Edchera.

1963 : Ihirikwa ry’Ubutegetsi muri Togo n’iyicwa ry’uwari Perezida w’icyo gihugu Sylvanus Olympio.

1964 : Mu gihugu cy’u Buhinde ahitwa Calcutta habaye imyigaragambyo yo kurwanya Abayisilamu ihitana abantu bagera ku ijana.

Papa Yohani Pawulo II

1964 : Karol Josef Wojtyla, waje kuba Papa wa Kiliziya Gaturika y’i Roma afite izina rya Papa Yohani Pawulo II, uyu mwaka yabaye Musenyeri wa Krakow mu gihugu cya Pologne.

1967 : Gnassingbé Eyadema yafashe ubutegetsi muri Togo.

1980 : Repubulika ya Gatatu muri Togo.

1990 : L. Douglas Wilder, yabaye umwirabura wa mbere ukomoka ku mugabane wa Afurika watorewe kuba Guverineri muri Leta Zunze Ubumwe z’Amerika ubwo yinjiraga mu biro bya Richmond muri Leta ya Virginia.

1991 : Mário Soares yongeye gutorerwa kuba Perezida wa Portugal.

1993 : Gushyira umukono ku masezerano arwanya ikoreshwa ry’intwaro z’ubumara.

2001 : Umutingito ukomeye wibasiye agace ka El Salvador, wasize uhitanye abantu barenga 800.

Bamwe mu bavutse uyu munsi

1864 : Umunyabugenge wo muri Prusse Wilhelm Wien, wabonye igihembo cyitiriwe Nobel mu Bugenge (Prix Nobel de physique) mu 1911.

1918 : Maurice Blondel, Umukinnyi w’umupira w’amaguru ukomoka mu gihugu cy’u Bufaransa.

1954 : Trevor Rabin, umucuranzi wa gitari ukomoka mu gihugu cya Afurika y’Epfo.

1989 : James Berrett, umukinnyi w’umupira w’amaguru ukomoka mu gihugu cy’u Bwongereza.

Bamwe mu batabarutse uyu munsi

 703 : Jitō, Umwamikazi w’abami w’u Buyapani.

1330 : Frédéric le Bel, Umwami w’Abaromani.

1766 : Frédéric V, Umwami wa Danemark na Norvège

1963 : Sylvanus Olympio, Perezida wa Togo

1978 : Hubert H. Humphrey, wabaye Visi Perezida wa Leta Zunze Ubumzwe z’Amerika.

2007 : Michael Brecker, Umunyamuziki w’Umunyamerika.

2010 : Kalifa Tillisi, umwanditsi n’umuhanga mu ndimi ukomoka mu gihugu cya Libya.

Ibindi

Umunsi mwiza kuri Yvette, Ivet, Iveta, Iveth, Ivetken, Ivett, Ivetta, Ivette, Iweta, Iwetta, Yevette, Yvedt, Yvetta ; hari kandi Hilaire, Helario, Hilar, Hilaria, Hilarid, Hilarie, Hilario, Hilarion, Hilarius, Hilary, Hillery, Ilaria, Ilario, Enogad na Enogat.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO