Tariki ya 4 Gashyantare

Tariki ya 4 Gashyantare


Yanditswe kuya 4-02-2013 - Saa 10:04' na Rene Anthere Rwanyange

Tariki ya 4 Gashyantare ni umunsi wa 35 w’umwaka. Hasigaye iminsi 330 uyu mwaka ukagera ku musozo.

1782 : Ifatwa ry’ahitiriwe Saint-Philippe-Mahon, na Louis de Crillon. Umwami wa Espagne Charles III, amugorora ku myitwarire ye myiza ubwo bafataga Gibraltar.

1789 : George Washington yatorewe kuba Perezida wa mbere wa Leta Zunze Ubumwe za Amerika.

George Washington, Perezida wa mbere wa Leta Zunze Ubumwe za Amerika

1790 : Bwa mbere mu mateka y’u Bufaransa Umwami, Louis XVI yarahiriye ishema ryo kubahiriza Itegeko Nshinga.

1794 : Mu mpinduramatwara y’u Bufaransa, Itegeko ryakuyeho ubucakara mu Bufaransa no mu bihugu bwari bukolonije.

1797 : Muri Equateur i Quito, umutingito wahitanye abantu 41 000.

1810 : Umwami Napoléon w’u Bufaransa n’ubwo yamwizezaga byinshi, Alexandre I w’u Burusiya yabenze mushiki we Anna, wari ufite imyaka 15.

1861 : Intumwa zihagarariye Leta zari zigize Leta Zunze Ubumwe za Amerika zahuriye i Montgomery muri Leta ya Alabama kugira ngo hashyirweho Guverinoma ihuriweho n’abari bashyamiranye.

1899 : Imyigaragambyo yo muri Philippines baharanira ubwigenge.

1912 : François Reichelt yasimbutse akoresheje umutaka, ava mu igorofa ya mbere ya Tour Eiffel agwa hasi arashwanyagurika.

1933 : Mu Budage hashyizweho itegeko rirengera abaturage b’Abadage ryemejwe n’Umuyobozi wa Polisi mu rwego rwo kugenzura itangazamakuru n’inama.

1938 : Hitler yateguye intambara ashyiraho Minisitiri w’Ububanyi n’Amahanga Joachim von Ribbentrop.

1945 : Itangira ry’Inama ya Yalta yahuje Churchill, Roosevelt, Staline.

1949 : Radio y’u Bufaransa yahinutse Radio Televiziyo y’u Bufaransa RTF.

1953 : Hakozwe imodoka igenewe amasiganwa yo mu bwoko bwa 753-RT.

1961 : Imyivumbagatanyo muri Angola hatangara kurwanywa ubuyobozi bw’Abaporutugali.

1964 : U Bishinwa bwashinje Abasoviyeti gushaka gukwirakwiza ubutegetsi bwabo ku isi banyuze mu bufatanye bwa Politiki na Leta Zunze Ubumwe za Amerika.

1966 : Indege yo mu bwoko bwa Boeing 727 y’u Buyapani yashwanyukiye mu nyanja ya hafi ya Tokyo ; abantu bagera ku 133 bahasiga ubuzima.

1969 : Hafunguwe umurongo wa ARPANET waje guhinduka Internet.

1972 : U Bwongereza n’ibindi bihugu icyenda byemeye Leta ya Bangladesh, yahoze yitwa Pakistan y’uburasirazuba.

1987 : U Buhinde na Pakistani basinye amasezerano yo kugabanya ubushyamirane bwari hagati y’ibihugu byombi.

1988 : Umutingito ufite ubukana bwa 6,4 ku gipimo cya Richter, mu ntara ya Takhar muri AfghanistanI wahitanye abantu basaga 2 000.

1990 : Umuhengeri udasanzwe ufite umuvuduko wa 185km/h, mu majyaruguru y’u Burayi, uhitana abantu 23.

1992 : Haburijwemo ihirikwa ry’Ubutegetsi ryateguwe na Hugo Chávez abantu 15 bahasiga ubuzima, 51 barakomereka abandi 1100 barafatwa.

Inzego z’ubutasi za Québec zavumbuye ibiro 685 za Cocaïne zifite agaciro ka Miliyoni 513 z’Amadolari ya Amerika, mu cyobo cy’ahitwa Vaudreuil.

1993 : Ikirunga cya Mayon, muri Philippines, cyararutse gihitana abantu 25.

1996 : Falcon 900EX yaciye agahigo mu kwihuta cyane mu rugendo Paris-Singapour rureshya na 11 840 km. Yazirutse mu masaha 12 n’iminota 50 ni ukuvuga ko yagendaga 923 km/h. Icyo gihe yakoresheje habariwemo no kuba yarahagaze i Abou Dabi.

2003 : Loni yemeye iyoherezwa ry’ingabo z’Abafaransa muri Côte d’Ivoire, mu mwanzuro 1464, watowe ku bwiganze busesuye n’Akanama ka Loni gashinzwe umutekano.

2004 : Ivuka ry’urubuga rwa Facebook.

2011 : Thein Sein yabaye Perezida wa Birmania.

Abavutse kuri uyu munsi

1688 : Pierre de Marivaux, Umwanditsi akaba n’Umukinnyi w’amakinamico w’Umufaransa.

1682 : Johann Friedrich Böttger, Umunyabutabire (Chimiste) w’Umudage.

1896 : Friedrich Hund, Umunyabugenge w’Umudage.

1912 : Louis-Albert Vachon, Karidinali akaba n’Umwepisikopi wa Québec.

1923 : Belisario Betancur Cuartas, Perezida wa Repubulika ya Colombie wategetse mu 1982 -1986.

1931 : Isabel Peron, Perezida wa Argentine, Umugore wa mbere wabaye Perezida ku Isi.

Abitabye Imana kuri uyu munsi

211 : Septime Sévère, Umwami w’Abami wa Roma.

708 : Papa Sisinnius.

1694 : Nataliya Kyrillovna Naryshkina, Tsar w’u Burusiya.

1936 : Wilhelm Gustloff, Umuyobozi w’itsinda ry’Abanazi mu Busuwisi.

2004 : Pierre Dumas, uwahoze ari Minisitiri wa Général de Gaulle akaba yaranabaye Depite wa mbere wa Chambéry.

2006 : Betty Friedan, Umwanditsi w’umugore w’Umunyamerika, akaba yaritabye Imana ku isabukuru ye y’amavuko. Yavutse kuwa 4 Gashyantare 1921.

2012 : Florence Green, Uwanyuma warwanye intambara ya mbere y’Isi, “Women’s Royal Air Force.”

Umunsi mpuzamahanga wo kurwanya indwara ya Cancer.

Ibindi

Umunsi mwiza kuri Vanessa, Venessa, Véronique, Veronica, Veronika, Aventin, Aventine, Aventino ; Bérénice, Bérényce, Bernice, Bernicé, Beronica, Beronice, Kido, Citaw, Guido na Quideau.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO