Ushobora gutunga imodoka ubikesheje kunywa SKOL

Uruganda BMC (Brasserie des Milles Collines) rwenga inzoga SKOL, rwiyemeje kudabagiza abakunzi b’iyo nzoga, bahabwa amahirw eyo kwica icyaka bakanatombora byinshi birimo n’imodoka.

Iyi tombola ya SKOL irakorwa mu gihe cy’amezi atatu, kuva ku itariki ya 24/02/2012, izasozwe tariki ya 22/06/2012.

Mu bizatomborwa harimo kongezwa icupa ry’ikinyobwa SKOL, ingofero zigezweho, imipira yo kwambara, za televiziyo, amatelefoni azatangwa na Tigo, za mudasobwa zigendanwa (Laptops),naho umunyamahirwe menshi akazegukana imodoka yo mu bwoko bwa Mitsubishi Lancer.

Imodoka yo mu bwoko bwa Mitsubishi Lancer

Marc Mugarura ukuriye ibikorwa by’ubucuruzi muri BMC yatangarije IGIHE.com ko iki gikorwa cyo gutombora kizakorwa mu mucyo (transparency) uzira amakemwa, ku buryo ntawe ugomba kwishisha akeka ko abazatombora bazwi mbere y’igikorwa nyirizina.

Marc Mugarura, Marketing Manager wa BMC yenga SKOL

Iyi tombola iri mu gikorwa kiswe “Get connected with SKOL Promo”, izafungurwa ku mugaragaro mu birori n’igitarmo bizabera kuri Expo Ground I Gikondo, kuri uyu wa gatanu tariki 24/02/2012, kuva isaa moya z’ijoro kugeza isaa sita (19h00 – 24h00).

Nywa SKOL wigeragereze amahirwe yo kwegukana imodoka n'ibindi bihembo