Abagande umunani bahitanywe n’imvura

Uganda : Imvura nyinshi yaguye mu bice bitandukanye by’umurwa mukuru wa Uganda Kampala yasize ihitanye abaturage umunani abandi icyenda barakomereka.

Radiyo Simba ivugira muri iki gihugu cya Uganda itangaza ko iyi mvura yaguye mu mpera z’icyumweru gishize yishe abagera ku munani abandi icyenda bagasigarana ibikomere bikomeye kuko hari abo imvura yaguye batwaye ibinyabiziga igatuma bakora impanuka.

Amakuru atangazwa na Polisi y’iki gihugu avuga ko abakomerekejwe n’iyi mvura bahise bajyanwa ku bitaro bya Mulago na Kawolo ngo bitabweho.