Umuvugizi wa Guverinoma ya Congo Kinshasa, Minisitiri Lambert Mende yatangaje ko aho kugira ngo leta ishyikirane na M23, haba intambara y’imyaka 100.
Mende yabitangarije mu nama yagutse n’ibitangazamakuru mpuzamahanga n’ibikorera muri Congo Kinshasa ku gicamunsi cyo kuwa Mbere tariki ya 3 Nzeli, ikiganiro cyanyuze ku bitangazamakuru bya leta.
Nyuma yo kubazwa n’ibinyamakuru niba Guverinoma ya Kinshasa iteganya kugirana imishyikirano na M23 mu rwego rwo guhagarika imirwano, mu kiganiro cyaciye kuri Televiziyo na Radio bya Congo Kinshasa, Lambert Mende yagize ati :”Ntidushobora kugirana imishyikirano n’abo bagizi ba nabi, abagome, abajura ahubwo tugiye kubarwanya twivuye inyuma n’ubwo byafata imyaka 100”.
Mende yavuze ko M23 ariyo nyirabayazana y’imitwe yose yitwara gisirikare mu Burasirazuba bwa Congo Kinshasa, kuburyo M23 ineshejwe byatuma n’indi mitwe icika integer, icyo gice kikabona amahoro.
Mende yanavuze kandi ko kuba M23 yarafashe uduce duto mu Karerere ka Rutshuru bitavuga ko igihugu cyose cyafashwe.
Ubwo yahatwaga ibabazo n’abanyamakuru mpuzamahanga ku ifungwa no kuburira irengero ry’abanyamakuru n’abandi b’abanyapolitiki batavuga rumwe n’ubutegetsi, Mende yumvikanishije ko abanyamkuru babiri baherutse gutabwa muri yombi bazira gucumbikira no kubikira imbunda Col. Tshibangu uherutse kuva mu ngabo za FARDC aherekejwe n’ingabo zitari nke.
Umutwe wa M23, ugizwe n’ingabo zahoze zigize umutwe wa CNDP, nyuma zaje kwinjizwa mu gisirikare cya Leta ya Congo ariko habayeho amasezerano ku itariki ya 23 Werurwe 2009. Izo ngabo zongeye kwitandukanya n’ingabo za Leta, zivuga ko Leta itubahirije amasezerano bagiranye.
IKINYARWANDA
IKIRUNDI
ENGLISH
FRANÇAIS
Ahabanza
Abo Turibo
Serivisi
Twandikire
Ibirimo
