Abarundi bane bafungiye muri Kenya bakekwaho kugerageza kwinjira muri Al-Shabaab

Yanditswe na Evariste Nsengimana
Kuya 14 Nzeri 2017 saa 08:45
Yasuwe :
0 0

Polisi ya Kenya yatangaje ko yataye muri yombi Abarundi bane yafashe bagerageza kwinjira mu mutwe ugendera ku mahame ya Islam, Al-Shabaab, ufitanye imikoranire ya hafi na Al-Qaeda.

Abo barundi bafashwe ku wa Kabili w’iki Cyumweru, binjiye muri Kenya nka ba mukerarugendo, nyuma baza gufatirwa mu gace kitwa Isiolo bagerageza kwinjira muri Somalia kwifatanya n’inyeshyamba za Al-Shabaab zayogoje agace ko mu ihembe rya Afurika n’ibihugu bigakikije.

Ibitangazamakuru byo muri Kenya byatangaje ko abafashwe ari Ntakarutimana w’imyaka 41, Niyongere Yusuf ufite 32, Nshimirimana Shadady ufite 31 na Bizoza Abderauf ufite imyaka 20.

Ambasaderi w’u Burundi muri Kenya, Remy Barampama, yabwiye BBC ko Kenya itigeze imenyesha u Burundi iby’itabwa muri yombi ry’abo baturage.

Yagize ati “Sinamenya neza niba koko ari Abarundi. Mureke detegereze kugeza duhuye nabo tukaganira nibwo twamenya neza koko niba ari Abarundi cyangwa ataribo.”

Bimaze kugaragara ko umubare munini w’abantu binjira muri Al-Shabaab baturuka muri Afurika y’Iburasirazuba, cyane cyane muri Kenya. Muri Mutarama, umu-Tanzania yafatiwe mu mujyi wa Mandera muri Kenya agerageza kwinjira muri Somalia kwifatanya n’izo nyeshyamba aho zifite ibirindiro bikomeye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza