Abarwayi muri Uganda batewe urukingo rwa Hepatite B rutari rwo

Yanditswe na Mukaneza M.Ange
Kuya 15 Werurwe 2018 saa 08:10
Yasuwe :
0 0

Guverinoma ya Uganda igiye gukora iperereza mu mavuriro bivugwa ko yasanganywe urukingo rw’indwara y’umwijima yo mu bwoko bwa Hepatite B rutari rwo.

Ku wa kabiri nibwo Ikigo gishinzwe ibirebana n’imiti muri Uganda, NDA cyatangaje ko inkingo zatanzwe mu mavuriro icyenda yigenga atarizo, ibintu byatumye abazihawe batangira gushya ubwoba.

NDA itangaza ko ifite amakuru ko hari umuntu wo mu mujyi wa Mbarara ukoresha mudasobwa agashyira ibirango kuri izo nkingo, bigaragaza ko zujuje ubuziranenge agamije kujijisha abantu, uyu ngo ashobora kuba afite ububiko muri aka gace cyangwa ahandi mu gihugu.

Umuyobozi wa NDA, Dr Medard Bitekyerezo, yavuze ko nyuma y’ibyatangajwe, hagiye gukorwa iperereza rizibanda ku kumenya aho ziriya nkingo zaturutse, ndetse hanakorwe igenzura ku bizigize.

Ati “Abaturage bakwiye gushyitsa umutima hamwe, bagategereza ko NDA ikora iperereza, ndetse igapima inkingo za Hepatite B bikekwa ko zitujuje ubuziranenge.”

Nk’uko Daily Monitor yabyanditse, Bitekyerezo yagiriye inama abaturage bahawe uru rukingo bivugwa ko rufite ikibazo kujya mu mavuriro ya leta yemerewe kuvura Hepatite B, kugira ngo bamenye niba bafite abasirikare bahagije.

Amwe mu mavuriro yo mu mujyi wa Mbarara agaragaza ko niba NDA ivuga ko batanga inkingo zitujuje ubuziranenge, yagakwiye kubanza igakora iperereza muri Farumasi zikorera i Kampala kuko ariho bagurira imiti yose bakoresha.

Amavuriro avugwaho gutanga inkingo za Hepatite B zitari zo arimo Devine Mercy, Mayanja Memorial Hospital, Family Doctors’ Clinic Ntungamo, UMC Hospital Bukoto, Malcom Health Care na Kampala Medical Chambers.

Umuyobozi w’Ikigo gishinzwe ibirebana n’imiti muri Uganda, NDA, Dr Medard Bitekyerezo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza