Afurika y’Epfo: ANC iri ku isonga mu majwi y’agateganyo y’abagize Inteko Ishinga Amategeko

Yanditswe na IGIHE
Kuya 9 Gicurasi 2019 saa 09:45
Yasuwe :
0 0

Ishyaka rya ANC riri ku butegetsi kuva mu 1994 muri Afurika y’Epfo, riri ku isonga mu matora y’abagize Inteko Ishinga Amategeko nkuko amajwi y’ibanze yagaragajwe na Komisiyo y’Amatora agaragaza uko ibyavuye mu bice bitandukanye by’igihugu bihagaze.

Kuri uyu wa Gatatu nibwo muri Afurika y’Epfo habaye amatora. ANC imaze kugira amajwi angana na 54.65% mu majwi y’agateganyo y’uyu munsi.

Ishyaka Democratic Alliance (DA), rihanganye na ANC cyane riri ku mwanya wa kabiri mu majwi aho rimaze kugira 26.49% naho EFF ribarizwamo Julius Malema rifite 8.07%.

Aya matora abaye mu gihe ANC iiri mu ihurizo ry’uko ryitwara mu matora ryinjiyemo, mu gihe abantu benshi bababajwe n’ahazaza h’igihugu gikomeje kujya mu manga kubera ruswa, ubukungu busubira inyuma n’amavugurura y’ubutaka.

Inteko Ishinga Amategeko muri Afurika y’Epfo igizwe n’abadepite 400. Abagera kuri 200 batorwa ku rutonde rw’amashyaka ku rwego rw’igihugu abandi bagatorwa ku rutonde rw’amashyaka ku rwego rw’intara uko ari icyenda. Perezida wa Afurika y’Epfo agatorwa n’abagize iyi nteko.

ANC iri ku isonga mu majwi y'agateganyo y'Abagize Inteko Ishinga Amategeko

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza