Ambasaderi Kabonero yasezeye ku mwanya yari amazeho imyaka icumi mu Rwanda

Yanditswe na Alice Tumukunde
Kuya 15 Gicurasi 2017 saa 02:53
Yasuwe :
0 0

Uwari Ambasaderi wa Uganda mu Rwanda, Richard Kabonera, yasezeye ku mirimo yari amaze imyaka 10 akora, atangaza ko ibihugu byombi bikwiye gukomeza umubano byari bifitanye.

Umuhango wo gusezera kuri uyu mwanya wabaye ku wa Gatandatu tariki ya 14 Gicurasi 2017 muri Kigali Serena Hotel aho wari witabiriwe n’abantu batandukanye barimo abahagarariye inyungu z’ibihugu byombi n’abandi barimo abashoramari.

NTV dukesha iyi nkuru yatangaje ko Ambasaderi Kabonero yavuze ko ‘U Rwanda na Uganda bigomba gukomeza umubano mwiza byari bifitanye kugira ngo birusheho kuzamura ukwishyira hamwe kw’ibihugu bigize akarere’.

Mu mpera za Mutarama nibwo Perezida wa Uganda, Yoweri Kaguta Museveni, yagize Wonekha Oliver w’imyaka 66, Ambasaderi w’igihugu cye mu Rwanda asimbuye Richard Tumusiime Kabonero.

Kabonero yahagarariye inyungu z’igihugu cye mu Rwanda kuva mu 2006. Mbere yaho yakoraga muri Ambasade ya Uganda i Washington kuva mu 1994 kugera mu 2005. Yari yaranabaye Ambasaderi wa Uganda muri Kenya kuva mu 1990 kugera mu 1994.

Wonekha Oliver wagizwe Ambasaderi wa Uganda mu Rwanda we asanzwe ari umunyapolitiki ubimazemo igihe muri Uganda. Yari Ambasaderi wa Uganda muri Leta Zunze Ubumwe za Amerika. Mbere yaho yabaye umwe mu bagize Inteko Ishinga Amategeko y’iki gihugu ahagarariye abagore bo mu Karere ka Mbale (2001–2006) na Bududa (2006–2011). Mbere y’uko yinjira muri Politiki, yakoraga mu bijyanye no gutunganya ikawa. Nyuma yo kuvanwa mu Rwanda, Ambasaderi Richard Kabonero yagizwe Ambasaderi wa Uganda i Dar es Salaam muri Tanzania.

Richard Kabonero yari amaze imyaka 10 ari Ambasaderi wa Uganda mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza