Kwamamaza

Batandatu bagomba guhatanira kuyobora komisiyo ya AU bamenyekanye

Yanditswe kuya 18-10-2016 saa 15:43' na Rabbi Malo Umucunguzi


Abakandida batandatu bagomba gutoranywamo umwe uzayobora Komisiyo y’Umuryango wa Afurika Yunze Ubumwe, AU, bamaze gutangazwa, bakazisobanura mu matora akomeye ateganyijwe mu mpera za Mutarama 2017, ku cyicaro cya AU i Addis Ababa muri Ethiopie.

Nk’uko byatangajwe na Jeune Afrique, abo bakandida barimo Minisitiri w’Ububanyi n’Amahanga wa Botswana, Pelonomi Venson-Moitoi n’uwa Guinée Equatoriale, Agapito Mba Mokuy bahatanye mu matora yabereye mu Rwanda muri Nyakanga, ariko habura ugira bibiri bya gatatu by’amajwi yose, amatora yimurirwa muri Mutarama umwaka utaha.

Harimo kandi Umunya-Senegal, Abdoulaye Bathily usanzwe ari Intumwa y’Umuryango w’Abibumbye muri Afurika yo hagati, ushyigikiwe cyane n’abakuru b’ibihugu byo muri Afurika y’u Burengerazuba.

Afurika y’u Burasirazuba izaba ihagarariwe na Fowsiyo Yusuf Haji Adan wahoze ari Minisitiri w’Ububanyi n’Amahanga wa Somalia na Minisitiri w’Ububanyi n’Amahaga wa Kenya, Amina Mohammed.

Mohamed w’imyaka 55 anashyigikiwe n’u Rwanda ndetse Minisitiri w’Ububanyi n’Amahanga, Louise Mushikiwabo, aheruka gutangaza ko ‘‘afite ubushobozi n’ubunararibonye budasanzwe muri dipolomasi n’ubuyobozi, umutima n’imitekerereze mizima ku bintu byihariye bireba umugabane wacu kimwe n’uruhare rwa Afurika mu rwego mpuzamahanga.’’

Nyuma yo gutangwa na Perezida Uhuru Kenyatta nk’umukandida, yanatewe ingabo mu bitugu na Perezida wa Uganda, Yoweri Kaguta Museveni, ndetse Minisitiri Mohamed ari no mu itsinda rizafasha Perezida Paul Kagame kuvugurura AU, nk’uko biheruka gushimangirwa na Perezida Muhammadu Buhari wa Nigeria.

Undi mukandida ni Minisitiri w’Ububanyi n’Amahanga wa Tchad, Moussa Faki Mahamat, watanzwe na Perezida Idriss Déby Itno ari na we uyoboye AU muri uyu mwaka.

Amakuru avuga ko Minisitiri w’Intebe wa Tchad, Albert Pahimi Padacké, kuwa 10 Ukwakira yagiye muri Guinée Equatoriale gusaba Perezida Teodoro Obiang Nguema Mbasogo ko kandidatire ya Agapito yakurwamo bagashyigikira umukandida umwe.

Muri Kanama 2016, Komisiyo ya AU nibwo yamenyesheje ibihugu 54 bigize uyu muryango ko kandidatire ku Buyobozi bwa Komisiyo n’umwungirije, zagombaga kugezwa mu biro bishinzwe amategeko muri AU bitarenze kuwa 30 Nzeri 2016.

Kandidatire ku bakomiseri ba AU zo zagombaga kugezwa muri AU bitarenze kuwa 16 Nzeri 2016, itegeko rikagena ko abakandida bemejwe, urutonde rwabo rwagombaga gushyikirizwa ibihugu bigize AU bitarenze kuwa 14 Ukwakira.

Umuyobozi wa Komisiyo n’umwungirije batorwa n’abakuru b’ibihugu na ho abakomiseri umunani basigaye batorwa na ba Minisitiri b’Ububanyi n’Amahanga n’abahagarariye ibihugu byabo muri AU.

Muri Mutarama hazaba hasimbuzwa Dr Dlamini Zuma wagiye kuri uyu mwanya mu 2012, ariko utarashatse kwiyamamariza manda ya kabiri yemererwa n’itegeko, ndetse mu bakomiseri umunani ba AU harimo batandatu bari kurangiza manda ya kabiri batemerewe kongera kwiyamamaza.

Umunya-Senegal, Abdoulaye Bathily usanzwe ari Intumwa y’Umuryango w’Abibumbye muri Afurika yo hagati
Minisitiri w'Ububanyi n'Amahanga wa Guinée Equatoriale, Agapito Mba Mokuy
Minisitiri w’Ububanyi n’Amahaga wa Kenya, Amina Mohammed
Dr Dlamini Zuma usanzwe ari Umuyobozi wa Komisiyo ya Afurika Yunze Ubumwe
Fowsiyo Yusuf Haji Adan wahoze ari Minisitiri w’Ububanyi n’Amahanga wa Somalia
Minisitiri w’Ububanyi n’Amahanga wa Tchad, Moussa Faki Mahamat, watanzwe na Perezida Idriss Déby Itno
Minisitiri w’Ububanyi n’Amahanga wa Botswana, Pelonomi Venson-Moitoi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved