Bobi Wine yafunguwe

Yanditswe na Muvunyi Arsène
Kuya 2 Gicurasi 2019 saa 03:36
Yasuwe :
0 0

Umuhanzi akaba n’umunyapolitiki wo muri Uganda, Robert Kyagulanyi uzwi nka Bobi Wine, yavuye muri gereza ya Luzira yari amazemo iminsi ine nyuma yo gutanga ingwate ya miliyoni y’amashilingi.

Tariki 29 Mata 2019 nibwo Urukiko rwa Buganda Road rwari rwategetse ko Bobi Wine afungwa by’agateganyo aho yashinjwaga gusuzugura inzego za Leta no gukoresha inama zitemewe.

Ni ibyaha ashinjwa ko yakoze muri Nyakanga 2018 ubwo yakanguriraga abantu kwigaragambya bamagana imisoro yashyiriweho abakoresha imbuga nkoranyambaga.

Yahise ajya gufungirwa muri Gereza ya Luzira hamwe n’abo bareganwa barimo Depite Gaffa Mbwatekemwa, Depite Partic Nsamba n’uwahoze ari Minisitiri Miria Matembe.

Kuri uyu wa 2 Gicurasi 2019 urukiko rwategetse ko barekurwa ariko batanze ingwate.

Bobi Wine yatanze miliyoni imwe y’amashilingi naho abandi batanga impapuro mvunjwafaranga zifite agaciro ka miliyoni 10 z’amashilingi.

Bobi Wine yasabwe kutagarara mu myigaragambyo itemewe kuko yahita asubizwa muri gereza.

Iburanisha ryimuriwe tariki 23 Gicurasi 2019.

Tariki 22 Mata 2019 nibwo Bobi Wine yafungiwe mu rugo rwe, nyuma y’aho we n’abambari be bari bakozanyije n’inzego z’umutekano zari zamwangiye gukora igitaramo.

Bobi Wine yarekuwe amaze gutanga ingwate

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza