Kwamamaza

Burundi:Abashinjwa kwica Lt.Gen. Adolphe Nshimirimana basabiwe gufungwa burundu

Yanditswe kuya 11-10-2016 saa 21:49' na Philbert Hagengimana


Nubwo Urukiko rwahisemo kuburanisha urwo rubanza mu muhezo, abantu umunani bashinjwa kwica Lt.Gen. Adolphe Nshimirimana wahoze ayobora urwego rw’ubutasi mu gisirikare cy’u Burundi, basabiwe gufungwa burundu.

Kuri uyu wa 11 Ukwakira, abantu 8 barimo abasirikare batanu (5) n’abapolisi batatu (3) bagejejwe imbere y’urukiko, maze Ubushinjacyaha ku rwego rw’Urukiko rukuru muri Komini Ntahangwa mu Mujyi wa Bujumbura bubashinja kuba ari bo bishe Lt.Gen. Nshimirimana, bubasabira gufungwa burundu.

Uwari uhagarariye Ubushinjacyaha muri urwo rubanza yabwiye urukiko ko afite amajwi yafatiwe ahakorewe inama yo kujya kwica Lt.Gen. Nshimirimana, gusa abaregwa bakaba bayamaganiye kure, bavuga ko ari ikinamico, dore ko ngo humvikanamo gusa ko yafatiwe mu kabari.

Umushinjacyaha yakomeje abwira Urukiko ko abaregwa bakoze inama eshatu, zirimo ebyiri zateguraga umugambi ariko ntagaragaze aho zabereye, n’indi imwe yo kureba uburyo washyizwe mu bikorwa. Icyakora muri urwo rubanza ngo ntihatangarijwe icyo abaregwa baba barahoye Lt.Gen. Nshimirimana.

BBC dukesha iyi nkuru itangaza ko abaregwa bo basabye urukiko kubahanaguraho ibyaha, rugahita rubarekura, ngo kuko ubushinjacyaha nta bimenyetso bufite ndetse nta n’umutangabuhamya ukwiye kubibahamya.

Lt.Gen. Nshimirimana yishwe kuwa 2 Nzeri umwaka ushize, aho imodoka yari arimo yarasiwe mu ihuriro ry’umuhanda uva mu Ngagara n’uva mu Kamenge mu Mujyi wa Bujumbura.

Uwo musirikare ku rwego rwa Jenerali yari Umujyanama wa Perezida Nkurunziza mu bya Gisirikare nyuma y’imyaka hafi 10 yari amaze ayoboye urwego rw’ubutasi.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved