Burundi: Hoteli y’umuyobozi w’ihuriro ry’abarwanya ubutegetsi ‘CNARED’ yasenywe

Yanditswe na Herve Ugirumukunda
Kuya 4 Ukuboza 2017 saa 08:05
Yasuwe :
0 0

Umuyobozi w’Ihuriro ry’Abarwanya ubutegetsi bwa Leta y’u Burundi baba mu buhungiro, CNARED, Jean Minani yasenyewe hoteli hashize iminsi mike gusa atorewe uwo mwanya.

Minani avuga ko ubutegetsi bw’u Burundi bwakoze ibishoboka byose ngo bumucecekesha kuko iyo hoteli, iherereye mu Ntara ya Kirundo, yari yaranafunzwe n’ubucamanza bw’icyo gihugu buvuga ko ari ibirindiro bw’abarwanya Leta ya Pierre Nkurunziza.

Ashinja urubyiruko rw’ishyaka riri ku butegetsi, CNDD, Imbonerakure n’abayobozi b’inzego z’ibanze gusenya no gusahura ibyari muri iyo hoteli.

Ati “Gusahura byakozwe n’Imbonerakure n’abapolisi. Hari umuzamu imbere y’irembo ryinjira n’irisohoka, iyo hoteli iri hafi y’urugo rwa guverineri kandi hafi aho hari bariyeri za polisi. Ni ukuvuga ko nta muntu wakwinjira cyangwa ngo asohoke polisi itamureba. Ku bwanjye ni nka gasopo yahawe abarwanya leta bose.”

Minani avuga ko hoteli ye yagiye yibasirwa kuva yava mu gihugu muri 2015, abayobozi bategetse ko ifungwa mu gihe cy’imyaka ibiri kuko bayifataga nk’igicumbi gicurirwamo inama zo kurwanya Leta ya Nkurunziza.

Ku cyumweru, Umuvugizi wa Polisi y’u Burundi, Pierre Nkurikiye, yabwiye Ikiriho, ikinyamakuru gikorera mu kwaha kwa Leta y’u Burundi ko isenyuka ry’iyo hoteli ryaturutse mu kutayitaho kuva yafungwa.

Yongeyeho ko hashize igihe kirenga umwaka isenywe n’abazamu binubiraga ko batari bishyuwe.

Guverinoma ya Pierre Nkurunziza ishinjwa kwica no gufunga abatavuga rumwe nayo, kuva uyu mukuru w’igihugu yakwiyamamaza agatorerwa manda ya gatatu mu 2015, mu buryo butavuzweho rumwe.

Iyi hotel yasenywe mu buryo butavugwaho rumwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza