Burundi: Pierre Buyoya ntashyigikiye ko Nkurunziza yongera kuyobora

Yanditswe na

Deus Ntakirutimana

Kuya 11 Mata 2015 saa 10:18
Yasuwe :
0 0

Pierre Buyoya wigeze kuba Perezida w’u Burundi yatangaje ko Perezida Pierre Nkurunziza akwiye kubahiriza amasezerano y’amahoro ya Arusha n’Itegeko Nshinga, akarekura ubutegetsi.

Buyoya yabitangaje mu kiganiro yagiranye n’abanyamakuru aho yerekanye ko ayo masezerano n’Itegeko Nshinga bisobanura neza uburyo bw’imitegekere mu Burundi, bigateganya ko ntawe ukwiye kurenza manda ebyiri ku mwanya w’umukuru w’igihugu.

BBC dukesha iyi nkuru yerekanye ko Buyoya nawe yayoboye u Burundi manda ebyiri zose ahiritse ubutegetsi (coup d’etat). Buyoya yavuze ko nta mukuru w’igihugu n’umwe mu Burundi ushobora kurenza manda ebyiri ku butegetsi.

Abivuze mu gihe muri iki gihugu havugwa impaka zikomeye zifatiye ku bivugwa ko Perezida Pierre Nkurunziza, umaze imyaka 10 ku butegetsi, ashobora kwiyamamariza indi manda ya gatatu mu matora ateganyijwe muri Kamena uyu mwaka.

Pierre Buyoya yavuze ko igihugu kimaze kugera ku ntambwe ishimishije ko rero abari ku butegetsi basabwa gufata ibyemezo bitasubiza igihugu inyuma.

Pierre Buyoya yafashe ubutegetsi ku ngufu mu 1987 ahiritse Jean Baptiste Bagaza, abuvaho mu 1993 atsinzwe mu matora ya mbere ya demokarasi mu Burundi na Merchior Ndadaye.

Buyoya yongeye guhirika ubutegetsi bwa Sylvestre Ntibantunganya mu 1996, yongera kandi kubusubiza mu 2003.

Uvuye ku mwanya w’umukuru w’igihugu mu Burundi akomeza kuba mu bagishwanama bayo nka Senateri ubuzima bwe bwose (Senateur a Vie).

[email protected]
twitter:@NtakirutaDeus


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza