Kwamamaza

Burundi: Ruracyageretse mu muryango w’Umwami Mwambutsa IV ku ishyingurwa rye

Yanditswe kuya 10-11-2016 saa 10:53' na Cyprien Niyomwungeri


Abo mu muryango w’Umwami Mwambutsa IV bakomeje kutavuga rumwe ku ishyingurwa ry’uwo mwami wa nyuma w’u Burundi watanze mu 1977 agashyingurwa i Meyrin mu Busuwisi aho yari yarabundiye [yarahungiye].

Rosa Paula Iribagiza, Umukobwa mukuru w’Umwami Mwambutsa IV ari na we wenyine ukiriho, ashyigikiye ko umubiri wa se utabururwa ugashyingurwa i Bujumbura kuko asanga ari inzira y’ubwiyunge bw’Abarundi.

Ku rundi ruhande ariko mwishywa wa Mwambutsa IV, Esther Kamatari, ntavuga rumwe na Iribagiza kuko we asanga umwami yakomeza gushyingurwa mu Busuwisi, ashingiye ku kuba umwami atarigeze yishimira u Burundi kuva ahunze ndetse akaba yari yaravuze ko atazagaruka muri icyo gihugu kabone n’ubwo yapfa batazakimushyiguramo.

Izi mpaka zatumye hitabazwa inkiko zo mu Busuwisi kuri iki kibazo, mu cyumweru gishize Urukiko rw’i Genève mu Busuwisi rutanga umwanzuro kuri urwo rubanza rwari rumaze imyaka ine, wuko umugogo w’Umwami Mwambutsa IV ukomeza ugatabarizwa muri icyo gihugu.

Ni icyemezo kitanyuze na gato umukobwa mukuru w’umwami Mwambutsa IV, Rosa Paula Iribagiza, bituma yiyemeza kukijurira mu rukiko rwa nyuma rw’Ubusuwisi nkuko Jeune Afrique ibitangaza.

Perezida w’u Burundi, Pierre Nkurunziza we abona kugarura umugogo wa Mwambutsa IV Bangiricenge mu gihugu nk’inzira y’ubwiyunge.

Mwambutsa IV yabaye umwami imyaka 51 aho yakoranye n’abakoloni b’Abadage n’Ababiligi yaje guhunga mu 1967 nyuma y’ aho ingabo zimukuye ku butegetsi agasimburwa n’umuhungu we Charles Ntare V na we wavanyweho mu mezi make muri kudeta yazanye repubulika; ahungira i Genève mu Busuwisi ari na ho yaje kugwa.

Esther Kamatari umwishywa wa Mwambutsa IV

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved