Kwamamaza

Congo Brazzaville na yo ishobora kwivana muri ICC

Yanditswe kuya 5-11-2016 saa 13:09' na Jean Pierre Tuyisenge


Amashyaka abiri akomeye muri Repubulika ya Congo yasabye Guverinoma kuva mu Rukiko Mpuzamahanga Mpanabyaha rw’i La Haye mu Buholandi.

Ni ubusabe buje nyuma y’uko bimwe mu bihugu byo ku mugabane wa Afurika binenze imikorere y’urwo rukiko.

Mu kwezi gushize ibihugu bya Afurika y’Epfo, n’u Burundi byabaye ibyambere byatangaje ko byikuye muri urwo rukiko.

Ibyo bihugu kandi byatangarije umuryango w’Abibumbye ko byikuye mu masezerano y’urwo rukiko yashyizweho mu mwaka wa 1998, ariko mu minsi mike igihugu cya Gambia nacyo cyahise gitangaza ko kigiye gutangira inzira kwikura muri urwo rukiko kirushinja kwibasira abaturage bo ku mugabane wa Afurika gusa.

Reuters yanditse iyi nkuru ivuga ko amashyaka ya ‘Patriotic Front’ na ’The 2020 Awakening Movement’, yayoboye imyigaragambyo yarimo abantu bagera kuri 300 mu mujyi wa Brazzaville, aho bavuga ko amategeko ya ICC adahuye n’ibibuzwa n’Iitegeko Nshinga birebana no kujya kuburanisha umunyagiguhu hanze.

Umuvugizi w’iryo shyaka,Paolo Benaza yagize ati “ Ibyo bagenderaho bihabanye n’ibiri mu Itegeko Nshinga ryacu, ubu ni uburyo bugamije ko ibihugu byasinye ariya masezerano bizajya bitanga abaturage babyo ku mpamvu izo ari zo zose.”

Minisitiri w’Ubutabera, Pierre Mabiala, wakiriye ubwo busabe yavuze ko agiye kubwigaho akazabugeza muri guverinoma.

Urukiko Mpuzamahanga Mpanabyaha ICC, rwatangiye mu mwaka wa 2002 rukagira abanyamuryango 124. Rwashyizweho hagaijwe gucira imanza abakoze ibyaha bya Jenoside n’ibyibasiye inyokomuntu ku Isi yose. Gusa rushinjwa kwibasira Abanyafurika no kunanirwa kuburanisha Tonny Blair wahoze ari Minisitiri w’Intebe w’u Bwongereza mu byaha by’intambara yabaye muri Iraq.

Abavugira ICC basobanura ko ibyo ibihugu bya Afurika bishinja urwo rukiko bidafite ishingiro, kuko ngo abayobozi ba Afurika ari bo ubwabo bisabiye kuburanishwa na rwo.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved