Kwamamaza

Côte d’Ivoire yashyigikiye kandidatire ya Amina Mohamed watanzwe na Kenya muri AU

Yanditswe kuya 9-11-2016 saa 11:48' na Cyprien Niyomwungeri


Côte d’Ivoire yagaragaje ko ishyigikiye kandidatire ya Minisitiri w’Ububanyi n’Amahanga wa Kenya, Amina Mohamed, watanzwe n’igihugu cye nk’umukandida ku buyobozi bwa Komisiyo y’Umuryango wa Afurika Yunze Ubumwe, AU.

Perezida wa Côte d’Ivoire, Allasane Ouattara, yavuze ko ku giti cye yanyuzwe na kandidatire ya Mohamed, yemeza ko ashoboye kandi asobanukiwe icyo Afurika ikeneye.

Mu kiganiro Outtara yagiranye na Visi Perezida wa Kenya, William Ruto ejo kuwa kabiri i Abidjan, yemeje ko umukandida wa Kenya kimwe n’undi wese uzatorwa agomba kuzashyigikira ukwishyira hamwe kwa Afurika.

Yagize ati “Uzatorwa wese agomba mbere na mbere gushyira imbaraga nyinshi mu kwihuza kwa Afurika kuko aricyo kizatuma ibasha gutera imbere.”

Ruto yaganiriye na Outtara ubwo yari mu rugendo rwo gushakira amajwi Mohamed muri Côte d’Ivoire, Ghana na Liberia.

Visi Perezida Ruto yavuze ko nubwo ibihugu byo mu muryango wa Afurika y’Iburasirazuba na Comesa byashyigikira Mohamed atabasha gutsinda mu gihe Afurika y’Uburengerazuba yaba itamuri inyuma.

Yakomeje avuga ko AU ikeneye umuyobozi uzashyira imbere guhuza ubucuruzi hagati y’ibihugu, kandi bizeye ko umukandida batanze azabikora kuko abifitiye ubushobozi.

Inteko Rusange y’abakuru b’ibihugu izaterana muri Mutarama, ku cyicaro cy’Umuryango i Addis Ababa muri Ethiopia, izatora uzasimbura Umunyafurika y’Epfo Nkosazana Dlamini-Zuma, umaze imyaka ine ayobora Komisiyo ya AU kuva mu 2012, ariko udashaka indi manda nubwo ayemererwa n’amategeko.

Côte d’Ivoire itangaje ko ishyigikiye Mohamed nyuma y’u Rwanda rwavuze ko rumubonamo umugore ukwiye kuyobora Komisiyo ya AU, kuko afite ubushobozi n’ubunararibonye budasanzwe muri dipolomasi n’ubuyobozi, umutima n’imitekerereze mizima ku bintu byihariye bireba umugabane wa Afurika n’uruhare rwayo mu rwego mpuzamahanga.

Umukandida wa Kenya, Amina Mohamed

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved