Kwamamaza

DRC: Batandatu bicishijwe imihoro i Beni

Yanditswe kuya 2-11-2016 saa 14:18' na Nsengimana Evariste


Abaturage batandatu bo mu gace ka Beni gaherereye mu Majyaruguru ashyira u Burasirazuba bwa Repubulika Iharanira Demukarasi ya Congo, bishwe n’inyeshyamba za ADF zirwanya Leta ya Uganda, zimaze igihe zirwanira mu mashyamba y’iki gihugu.

Nkuko umuyobozi wo mu gace ka Beni kabereyemo ubu bwicanyi , Amisi Kalonda yabitangarije Ibiro Ntaramakuru ry’Abafaransa, AFP, ngo abo bantu bose uko ari batandatu bishwe kuri uyu wa 1 Ugushyingo 2016, bicishijwe imihoro.

Yagize ati “ Umubare w’agateganyo w’abishwe ni batandatu. Abaturage bose bishwe hakoreshejwe imihoro, babiri bakomeretse bari kwitabwaho kwa muganga.”

The New Vision yo ivuga ko umuyobozi wa Sosiyete Sivile muri Beni, Noella Katsongerwaki, yatangaje ko muri abo bantu bishwe harimo abagabo babiri n’abagore bane.

Captain Mak Hazukay, Umuyobozi uhagarariye ingabo muri aka gace kabereyemo ubwicanyi nawe yemeje iby’iki gitero, ariko yirinda kugira byinshi atangaza ku bagizweho ingaruka na cyo.

Goverinoma ya Congo na MONUSCO bavuze ko inyeshyamaba za ADF zigendera ku mahame y’idini ya Islam ari zo zihishe inyuma y’ubu bwicanyi.

Kuva muri Nzeri 2014, abaturage basaga 700 bamaze kwicirwa mu bitero binyuranye bigabwa muri aka gace.

ADF (Allied Democratic Forces) ni umutwe w’inyeshyamba washyizweho na Jamil Mukulu mu 1989 ugamije gukuraho ubutegetsi bwa Perezida wa Uganda, Yoweli Kaguta Museveni, nyuma wiyunga ku yindi mitwe maze batangira kugaba ibitero mu duce two muri Congo kuva mu 1995.

Ingabo za Congo na MONUSCO bavuga ko igitero cyahitanye aba bantu cyagabwe na ADF

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved