Kwamamaza

DRC: Batandatu mu baguye mu myigaragambyo yamagana Kabila bagiye gushyingurwa

Yanditswe kuya 1-11-2016 saa 11:43' na Tuyisenge Jean Pierre


Imibiri y’abantu batandatu batavuga rumwe na Leta bishwe mu myigaragambyo yo ku wa 19 na 20 Nzeri yamagana manda ya gatatu ya Perezida Joseph Kabila yashyizwe ahagaragara ejo ku wa 31 Ukwakira 2016 mu mujyi wa Kinshasa mbere y’uko ishyingurwa.

Imirambo yashyizwe ku cyicaro cy’Ishyaka riharanira Ubumwe na Demokarasi n’Iterambere ry’Abaturage, UDPS rya Étienne Tshisekedi.

Uyu muhango witabiriwe n’abarwanashyaka bagera ku bihumbi bibiri bari bateraniye aho isanduku esheshatu z’umweru zari zitwikirije amabendera y’amabara y’umweru, ubururu , umutuku n’umuhondo aranga iryo shyaka zari ziri.

Jeune Afrique yanditse iyi nkuru ivuga ko imiryango yabo n’abandi barwanashyaka, bari mu marira bose bavuga amagambo anenga ubutegetsi, ubwo bari batwaye iyo mirambo bayivanye mu buruhukiro bw’ibitaro bya Bondeko, biri muri Komini ya Limete mu Mujyi wa Kinshasa aho yari imaze ukwezi.

Kuri uyu wa Kabiri ni bwo UDPS yitegura gushyingura abarwanashyaka bayo batandatu mu irimbi rya Kinkole riherereye mu birometero 20 mu Burasirazuba bwa Kinshasa, bashinja Perezida Kabila kwihisha inyuma y’ubwo bugizi bwa nabi.

Umunyamabanga Mukuru w’iryo shyaka Jean-Marc Kabund, yagize ati "Abarwanashyaka bacu bishwe n’ubutegetsi bwa Kabila."

Umuyobozi Wungirije w’Umujyi wa Kinshasa, Clément Bafiba yahise asohora itangazo ribuza abantu guhura cyangwa gukora imyigaragambyo ya Politiki i Kinshasa. Mu nyandiko yasohoye kuya 31 Ukwakira, yagize ati "Abategura ibyo guhura ntibatanga uburyo bizakorwa hatabayeho imyigaragambyo."

Imyigaragambyo yabaye ku wa 19 na 20 Nzeri 2016 yahitanye abagera kuri 53 barimo abasivili 49 n’abapolisi 4 nkuko Umuryango w’Abibumbye wabitangaje.

Abigaragambyaga basabaga Perezida Kabila kuva ku butegetsi bitarenze itariki ya 20 Ukuboza 2016, yo kurangira kwa manda ye nk’uko biteganywa n’amategeko.

Abarwanashyaka batandatu batavuga rumwe na Leta muri Congo baguye mu myigaragambyo bagiye gushyingurwa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved