DRC: Impuguke ebyiri za Loni zaburiwe irengero

Yanditswe na IGIHE
Kuya 13 Werurwe 2017 saa 08:10
Yasuwe :
0 0

Abashakashatsi babiri bari mu itsinda ry’impuguke z’Umuryango w’Abibumbye muri Repubulika Iharanira Demokarasi ya Congo baburiwe irengero ku mugoroba wo kuri iki cyumweru, tariki ya 12 Werurwe 2017.

Umunyamerika Michael J. Sharp n’Umunya-Suede Zaida Catalán baguye mu gico cy’abantu bitwaje intwaro muri Kasaï yo hagati.

Umuvugizi wa Guverinoma ya Congo, Lambert Mende yemeje aya makuru abwira Jeune Afrique ko aba bombi bari mu gihugu muri gahunda bitazwi icyo yari igambiriye.

Izi mpuguke zavuye mu gace ka Kananga mu Ntara ya Kasaï yo hagati ku mugoroba wo ku Cyumweru bagana mu mujyi wa Tshimbulu ahaguye abagera kuri 60 mu mirwano yashyamiranyije ingabo za leta n’inyeshyamba mu kwezi gushize.
Mbere y’uko bava mu mujyi wa Kananga ngo babnje kubonana n’Umuyobozi wa Monusco muri Congo nk’uko iyi nkuru ikomeza ibivuga.

Mende yasobanuye ko Michael J. Sharp, na mugenzi we Zaida Catalán bari baherekejwe n’umusemuzi w’umunyecongo bakaba bashimuswe n’abandi batatu bitwaje intwaro babarizwa mu mutwe w’abarwanyi utaramenyekana.

Kasaï yo hagati imaze igihe mu maboko y’inyeshyamba zirimo izishyigikiye uwari umuyobozi muri aka gace, Kamwina Nsapu wishwe muri Kanama umwaka ushize.

Lambert Mende, Umuvugizi wa Leta ya Congo Kinshasa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza