Kwamamaza

DRC: Leta n’ingabo za MONUSCO banenzwe kunanirwa guhagarika ubwicanyi i Beni

Yanditswe kuya 9-10-2016 saa 20:49' na Philbert Hagengimana


Umuryango Mpuzamahanga urengera uburenganzi bw’ikiremwamuntu (HRW) wanenze ubutegetsi bwa Repubulika Iharanira Demukarasi ya Congo n’Ingabo za Loni zibungabunga amahoro muri icyo gihugu (MONUSCO), kuba nta cyo bakoze ngo bahagarike ubwicanyi bukorerwa abaturage bo mu gace ka Beni.

Jeune Afrique dukesha iyi nkuru itangaza ko ku wa Gatanu tariki ya 7 Ukwakira 2016, HRW yashyize ahagaragara itangazo rinenga uburyo izi mpande zombi zitwaye muri iki kibazo ku buryo mu myaka ibiri ishize ubu bwicanyi bukorerwa mu gace ka Beni gaherereye mu Burasirazuba bw’icyo gihugu, abasivili 680 bamaze kubusigamo ubuzima.

HRW ivuga ko ifite ubuhamya bwinshi bw’abaturage ndetse na bamwe mu basirikare ba Leta ya Congo (FARDC), bugaragaza umwete muke cyangwa ubushobozi buciriritse mu guhagarika ubwicanyi hafi y’aho babaga bafite ibirindiro, byaviriyemo abasivili basaga 50 guhitanwa n’ubwakorewe i Rwangoma muri Kanama uyu mwaka.

Imiryango itegamiye kuri Leta igira inama Leta ya Congo ndetse n’ingabo za MONUSCO gushaka uburyo bushya kandi bufatika bwo kurinda abaturage bo muri ako gace.

MONUSCO kimwe na leta ya Congo bavuga ko ubwo bwicanyi mu gace ka Beni no mu nkengero zaho, bukoreshwa intwaro gakondo, bugakorwa n’abarwanyi ba ADF, Umutwe urwanya ubutegetsi bwa Uganda, ukaba uba mu mashyamba ya Congo kuva mu 1995.

HRW ishingiye ku kuba Leta ya Congo idashoboye kuba yahagarika ibitero bigabwa ku baturage bo muri Beni ndetse n’ibibazo bya politiki byugarije iki gihugu, yasabye amahanga kurushaho kwita kuri icyo kibazo.

Ibyo bibazo bya Politiki bishingiye ku iyimurwa ry’amatora y’Umukuru w’Igihugu, yagombaga gukorwa mu Ugushyingo uyu mwaka, ariko akaza kwigizwayo bitewe n’uko Komisiyo y’amatora muri iki gihugu yatangaje ko ititeguye kuba yategura amatora ahanini bishingiye ku byangombwa bavugaga ko bitaraboneka bitewe n’uko nta mafaranga yari ahari.

Ibi byarakaje cyane abatavuga rumwe n’ubutegetsi bavuga ko ibi ari ugushaka uburyo Perezida Joseph Kabila yaguma ku butegetsi kandi manda ye izarangira tariki ya 20 Ukuboza 2016.

Ibi byatumye muri iki gihugu haduka imvururu zahitanye abatari bake, abandi bazikomerekeramo ndetse n’inyubako ziratwikwa.

Perezida Kabila ari ku butegetsi kuva mu 2001, ariko n’ubwo Itegeko Nshinga ritamwemerera kubugumaho nyuma y’uyu mwaka, kugeza ubu nta kimenyetso na kimwe kigaragaza ko yiteguye kuburekura nk’uko abihatirwa n’abatavuga rumwe na we kimwe n’imiryango itegamiye kuri Leta.

Intara ya Kivu y’Amajyaruguru kimwe n’u Burasirazuba bwa Congo muri rusange, hakomeje kuba isibaniro ry’intambara z’urudaca mu myaka 20 ishize.

Ingabo za MONUSCO zakunze kunengwa kurebera ubwicanyi bukorwa n'inyeshyamba

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved