Kwamamaza

Ethiopia: Leta imaze gufunga abasaga 11000 nyuma yo kwinjira mu bihe bidasanzwe

Yanditswe kuya 15-11-2016 saa 18:31' na Jean Pierre Tuyisenge


Kuva Leta ya Ethiopia yatangaza ku mugaragaro ko igihugu cyinjiye mu bihe bidasanzwe by’amezi atandatu byatewe n’imyigaragambyo yahitanye abantu ikanangiza ibitari bike, abantu barenga 11,000 bamaze gutabwa muri yombi bashinjwa kwihisha inyuma yayo.

Abaturage bigaragambyaga biganjemo abo mu bwoko bwa Oromo na Amhara bagize 60% by’abaturage ba Ethiopia, bashinja leta kubaheza no kutubahiriza uburenganzira bwa muntu.

Al Jazeera yatangaje ko leta ya Ethiopia ivuga ko kuva yatangaza ibihe bidasanzwe mu gihugu hose mu ntangirizo z’Ukwakira, hamaze gufungwa abantu 11,607 barimo abagore 347.

Umuyobozi w’akanama gashinzwe gukurikirana ibi bihe igihugu kirimo, Taddesse Hordofa, mu kiganiro yahaye abanyamakuru ku wa Gatatandatu yagize ati "Abantu 11,607 bafungiye muri gereza esheshatu. Muri bo 347 ni abagore, bose bafitanye isano n’ibihe bidasanzwe igihugu cyinjiyemo."

Imiryango iharanira uburenganzira bwa muntu muri iki gihugu, itangaza ko abantu barenga 500 ari bo baguye mu myigaragambyo yakozwe kuva umwaka ushize, bitewe n’uburakari abaturage bagaragaje bamagana icyemezo cya leta cyo kwagura Umujyi wa Addis Ababa, bavuga ko bizagira ingaruka ku bahinzi bo mu gace ka Oromo.

Nyuma y’uko hatangajwe ibyo bihe bidasanzwe, serivisi za internet kuri telefoni ndetse n’imbuga nkoranyambaga byarahagaritswe, nk’imwe mu ngamba Leta yafashe nk’uko Ibiro Ntaramakuru by’Abongereza Reuters byabitangaje.

Kuva icyo gihe kandi byatangajwe ko Abadipolomate b’abanyamahanga baba muri iki gihugu batemerewe kurenga mu birometero 40 uvuye i Addis Ababa badafite uruhushya rw’ubutegesti, hahagarikwa kandi ibikorwa by’amashyaka atavuga rumwe n’ubutegetsi n’ibindi.

Gusa ku wa Kabiri w’icyumweru gishize, Leta yakuyeho ibyemezo byari byafatiwe abo badiporomate, ibemerera kugenda uko bashaka.

Tadesse Wordofa yabwiye abanyamakuru ko abafunzwe bashinjwa guteza akaduruvayo no gusenya ibikorwaremezo, kwica abasivile n’abashinzwe umutekano no kubangamira urujya n’uruza rw’ibinyabiziga.

Umuryango uharanira uburenganzira bw’ikiremwamuntu ku Isi, Human Rights watch, ushinja inzego z’Umutekano z’iki gihugu gukoresha ingufu z’umurengera mu gutanya abigaragambya.

Abaturage muri Ethiopia batangiye kujya mu mihanda bigaragambya mu mwaka ushize

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved