Ethiopia: Umubare w’abagwiriwe n’ikirundo cy’ibishingwe ugeze ku 113

Yanditswe na IGIHE
Kuya 15 Werurwe 2017 saa 09:55
Yasuwe :
0 0

Ubuyobozi bwo mu mujyi wa Addis Ababa muri Ethiopia, bwatangaje ko imibare y’abagwiriwe n’ikirundo cy’ibishingwe muri aka gace mu mpera z’icyumweru gishize ukomeje kwiyongera aho ugeze ku bantu 113.

Ni mu gihe ibikorwa byo gushakisha abaguye muri iyi mpanuka bikomeje. Abagera ku 150 ni bo bivugwa ko bari bari aho yabereye.

Kugeza ubu bamwe mu bitabye Imana batangiye gushyingurwa nk’uko inkuru ya BBC ibitangaza.

Ikimoteri cy’ibishingwe cyagwiriye abantu kimaze imyaka isaga 50 kimenwamo ibishingwe n’abatuye umujyi wa Adis Ababa bagera kuri miliyoni enye.

Polisi yatangaje ko abapfuye ari bamwe mu baturage bahaturiye bari barimo gutoragura ibisigazwa bajya kugurisha n’abandi biberaga mu buryo buhoraho muri icyo kimoteri.

Ethiopia irashaka gushyiraho ikiriyo cy’iminsi itatu yo kunamira abahitanywe n’iyi mpanuka, ndetse ubutegetsi bwamaze kwimura abaturage bagera kuri 350 bari baturiye iki kimoteri.

Abatabazi barimo gukoresha imashini zicukura hashakishwa ababa bararengewe n’ibishingwe.Hubakwaga uruganda rubyaza ibishingwe ingufu z’amashanyarazi, rwa mbere muri Afurika.

Ibikorwa byo gushakisha abagwiriwe n'ibishingwe birakomeje

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza