Kwamamaza

Ethiopia yikomye Misiri kuba inyuma y’imvururu zashyize igihugu mu bihe bidasanzwe

Yanditswe kuya 11-10-2016 saa 08:39' na Niyonsenga Schadrack


Leta ya Ethiopia yikomye bikomeye ibihugu by’abanzi bayo nka Misiri kuba inyuma y’imyigaragambyo ikomeye iri gukorerwa muri iki gihugu, yatumye cyinjira mu bihe bidasanzwe by’amezi atandatu.

Leta y’iki gihugu ivuga ko amakompanyi y’abanyamahanga ahakorera ari mu bihishe inyuma y’ibi bikorwa by’ubugizi bwa nabi bikorwa n’abarwanya ubutegetsi.

Yagize ati "Ibibazo by’imvururu turi guhura nabyo, ibibazo by’ibitero byibasiye abaturage, ibibazo by’urugomo byangiza ibikorwa remezo, bikanahungabanya ishoramari, byose ntibishobora gukemurwa n’amategeko mu buryo busanzwe.”

Abigaragambya biganjemo abo mu bwoko bw’aba Oromo n’aba Amhara, bose bashinja leta kubatsikamira kandi ari bo benshi bagize iki gihugu, igashyigikira aba Tigrayan, bashinja kwironda no kwigarurira ubukungu bw’igihugu.

Minisitiri Getachew, avuga ko umwanzi wabo wa kera (Misiri) ari we wihishe inyuma y’izi mvururu zose bitewe n’uko ngo iki gihugu giha imyitozo ndetse kikanatera inkunga insoresore zo mu mutwe w’aba Oromo (Oromo Liberation Front, OLF), ufatwa n’iki gihugu nk’umutwe w’iterabwoba, bivugwa ko ari nawo uri inyuma y’izo mvururu.

Yagize ati "Dufite ibimenyetso ko OLF yakira inkunga z’ubwoko bwose ziturutse mu Misiri, abayobozi bawo babaga Asmara muri Eritrea, ariko ubu bari i Cairo mu Misiri.”

Getachew yavuze ko igihugu cya Misiri kiri gutera inkunga izi nyeshyamba kugira ngo kibashe kubona uburenganzira ku ruzi rwa Nili.

Ibi bije mu gihe igihugu cya Ethiopia gikomeje gahunda yacyo yo kubaka urugomero rw’amashanyarazi hafi n’isoko y’uruzi rwa Nili, ibintu ngo byateye ubwoba Misiri yibaza uko izabaho, bitewe n’uko iba ishaka kwigarurira amazi y’uru ruzi.

Mu cyumweru gishize ibitangazamakuru bya leta ya Ethiopia byanditse ko Minisitiri w’Ububanyi n’Amahanga w’iki gihugu yahamagaje Ambasaderi wa Misiri ngo baganire kuri ibi bibazo.

Iki gihugu cyibasiwe n’imyigaragambyo ikomeye kuva mu Ugushyingo umwaka ushize, ubwo Leta yangazaga umugambi wo kwagura umurwa mukuru Addis Ababa bikagera no mu gace ka Oromia, byateye ubwoba abahatuye bakeka ko ubwo uwo mushinga uzaba utangiye bazabimura mu byabo.

Gusa n’ubwo uyu mushinga waje guhagarara, abatuye aka gace bakomeje imyigaragambyo bashinja Leta yabo kubaheza ndetse no kutubahiriza uburenganzira bwa muntu.

Iyi myigaragambyo ikomeje kwibasira iki gihugu, imaze kugwamo abaturage amagana, abandi barakomereka ndetse ibindi bikorwa birimo inyubako, imodoka byarangijwe bikomeye.

Misiri ishinjwa gutera inkunga imyigaragambyo ikomeje kuba muri Ethiopia

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved