Gambia: Abanyamakuru batatu bashyamiranye n’abashyigikiye Jammeh birukanywe mu gihugu

Yanditswe na Philbert Girinema
Kuya 12 Mutarama 2017 saa 07:58
Yasuwe : XX
0

Leta ya Gambia yirukanye ku butaka bwayo abanyamakuru batatu bakomoka muri Senegal aho bahawe amasaha 48 ngo babe bamaze kuva mu gihugu.

Umwe mu banyamakuru birukanywe ku wa Gatatu yabwiye BBC ko iki cyemezo cyafashwe nyuma y’uko bageze ahari hateraniye imbaga y’abashyigikiye Perezida Yahya Jammeh maze bagatangira kubatuka.

Nk’uko yakomeje abivuga, ngo polisi ibonye ko abaturage batangiye kubatuka no kubavugiriza induru yahise ibasaba gusubira mu ngo zabo, nyuma bahabwa amasaha 48 yo kuba bamaze kuva muri Gambia ku mpamvu z’umutekano wabo.

Aba banyamakuru birukanywe mu gihe ku itariki ya 1 Mutarama 2017, Minisiteri y’Itangazamakuru yatanze itegeko ryo gufunga radio enye zigenga.

Ni mu gihe kandi Perezida Jammeh watsinzwe amatora akabanza kubyemera nyuma y’igihe gito akisubiraho, akomeje kwirukana abantu bose bagiye bagaragaza ko bashyigikiye Adama Barrow wegukanye intsinzi.

Mu baherutse kwirukanwa harimo aba ambasaderi 12 bari baragaragaje ko bishimiye intsinzi ya Adama Barrow mu matora yabaye ku itariki ya 1 Ukuboza 2016.

Ibintu bikomeje guhindura isura muri iki gihugu, mu gihe nyamara ku itariki 20 Mutarama 2017 aribwo uwatsinze amatora agomba kurahira.

Kuva Perezida Yahya Jammeh yakwanga ibyavuye mu matora, umwaka ukomeje kuba mubi

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza