Kwamamaza

Gambia: Yahya Jammeh ari mu rugamba rwo kwiyamamariza manda ya Gatanu

Yanditswe kuya 14-11-2016 saa 07:08' na Ntakirutimana Deus


Komisiyo yigenga y’Amatora muri Gambia, yakiriye kandidatire ya Yahya Jammeh ku mwanya k’Umukuru w’Igihugu aho natorwa azaba ari kuyobora manda ya gatanu kuko Itegeko Nshinga ritagena umubare wa manda kuri Perezida.

Muri ayo matora ateganyijwe tariki ya 1 Ukuboza 2016, azahanganisha Perezida Yahya Jammeh, umukandida w’ishyaka rya APRC (Alliance pour la Réorientation et la Construction Patriotique) n’abakandida babiri bakomoka mu yandi mashyaka.

Mu migabo n’imigambi ya Jammeh ngo ntazacibwa intege n’abamunegura. Mu byo yasezeranyije abanya-Gambia birimo ko abanyeshuri bazajya bigira ubuntu ndetse no kuvurira ubuntu abaturage.

Ibikorwa byo kwiyamamaza bizatangira tariki ya 16 Ugushyingo. Abakandida bazahangana na Jammeh barimo Adama Barrow ushyigikiwe n’amashyaka atavuga rumwe n’ubutegetsi yishize hamwe na Mama Kandeh wo mu ishyaka rya riharanira demokarasi ya Gambia (GDC).

Yahya Jammeh yavutse tariki ya 25 Gicurasi 1965 i Kanilai mu muryango wari utuye mu cyaro. Yabaye Perezida kuva tariki ya 22 Nyakanga 1994 ahiritse ubutegetsi bwa Dawda Jawara wayoboraga icyo gihugu kuva cyabona ubwigenge mu 1965. Yaje kuba Perezida wemewe tariki ya 18 Ukuboza 1996. Mu mashuri yize harimo irya gisirikare muri Amerika. Jammeh afite impamyabushobozi yo ku rwego rwa kaminuza ariko ntibimubuza kuvuga ko ari Prof El Hadj Docteur Yahya Abdul-Aziz Jemus Junkung Nasiru Den Jammeh. Afite abana babiri aribo Mariam Jammeh na Muhammed Yahya Jammeh.

Manda ya kane y’imyaka itanu yayitorewe tariki ya 24 Ugushyingo 2011 ubwo yatorwaga ku majwi 71,5 % atsinze Ousainou Darboe wabonye 17,4 %.

Impinduka yagejeje ku gihugu

Mu mpinduka yakoze zirimo guhitamo ko icyarabu gisimbura icyongereza mu kuba ururimi rw’icyo gihugu muri 2014, icyo gihe byavuzweho ashaka gutsura umubano n’ibihugu by’abarabu. Bidatinze tariki ya 12 Ukuboza 2015, Gambia yagizwe igihugu kigendera ku mahame y’idini ya Islam.

Mu bidasanzwe azwiho ni nko mu 2007 yavuze ko ashobora kuvura indwara zirimo Sida, Asima ndetse n’umuvuduko w’amaraso yifashishije ibimera ndetse bamwe mu baminisitiri be bahamya ko yabavuye indwara y’umuvuduko w’amaraso.

Ku bijyanye n’imyemerere azwiho kwanga urunuka abatinganyi kugeza ubwo tarki ya 15 Gicurasi 2008, yategetse ko abatinganyi bose bagomba guhunga igihugu, ndetse ko n’uzagerageza kubakomeraho bizamugiraho ingaruka zidasanzwe.

Tariki ya 17 Gicurasi 2015, yavuze ko yifuza kubona abatinganyi bose bifuza gushakana hagati yabo bapfa banizwe.

Gambia ni igihugu kigifite igihano cy’urupfu ariko nticyari cyarigeze gitangwa kugera mu 1985 usibye icyenda bagihawe mu 2012 biturutse ku itegeko rye.

Yahya Jammeh ni umugabo utavugirwamo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved