Goma: Abakozi bane ba komisiyo y’amatora barashinjwa kwandika Abanyarwanda 12

Yanditswe na Bukuru JC
Kuya 15 Werurwe 2017 saa 12:53
Yasuwe :
0 0

Abakozi bane ba Komisiyo yigenga y’amatora muri Repuburika Iharanira Demukarsi ya Congo (RDC) bajyanywe mu butabera i Goma, bashinjwa kugerageza kwandika Abanyarwanda.

Umuvugizi wa CENI, Jean-Pierre Kalamba, ni we watangarije actualite.cd, ibyerekeye ikurikiranwa ry’abo bakozi nk’uko iki kinyamakuru cyo muri Congo cyabitangaje kuri uyu wa Kabiri, tariki ya 14 Werurwe 2017.

CENI iri mu gikorwa gikomeye cyo kunoza ilisiti y’itora mu gutegura amatora ya Perezida wa Repuburika muri uyu mwaka. Muri iki gikorwa, hagiye hatangazwa amakuru ko hari Abanyarwanda bambuka umupaka, bakibaruza nk’Abanyekongo.

Muri Gashyantare, abakekwaga ko ari Abanyarwanda babarirwa muri 20 byavuzwe ko bafatanywe amakarita y’itora, bafungirwa i Goma nyuma baza kurekurwa byemejwe ko ari Abanyekongo bibera mu Rwanda.

Na none, itangazamakuru ryo muro Congo kuwa 1 Werurwe ryagaragaje umugabo witwa Yousouf Ntamuheza Munyabugingo wavukiye mu Karere ka Gatsibo, wafashwe ashinjwa kwibaruza nk’Umunyekongo.

Ikarita y’itora muri Congo ni indangamuntu igenderwaho n’abaturage.

Mu gihe ibikorwa by’ibarura ry’abazatora bikomeje, CENI itangaza ko imaze kwandika hafi miliyoni 18.


Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza