Kwamamaza

HRW yasabye ko Perezida wa Gambia afatirwa ibihano

Yanditswe kuya 3-11-2016 saa 10:29' na Philbert Hagengimana


Umuryango mpuzamahanga urengera uburenganzira bwa muntu (HRW) wasabye ko Perezida wa Gambia kimwe n’abandi bayobozi bakuru bafatirwa ibihano ku rwego mpuzamahanga, bitewe n’iyicarubozo rikorerwa abatavuga rumwe n’ubutegetsi mu gihe hitegurwa amatora muri icyo gihugu.

HRW yashyize ahagaragara raporo yiswe “Ubwoba bwinshi buruta umucyo: Amatora y’Umukuru w’Igihugu muri Gambia mu 2016”, igaragaza uburyo Perezida Yahya Jammeh, atoteza abatavuga rumwe n’ubutegetsi, akifashisha itangazamakuru rya leta mu bikorwa bye byo kwiyamamaza.

Iyo raporo ivuga ko abategetsi bafunga abantu ku maherere, bagakorera iyicarubozo abo mu mashyaka atavuga rumwe, aho kuva muri Mata, abantu bagera kuri 90 bafashwe barafungwa bazira ko bigaragambije mu mutuzo, mu gihe abandi 30 bo bakatiwe igifungo cy’imyaka itatu. Babiri muri bo baguye muri gereza.

Muri abo harimo Solo Sandeng ukomoka mu ishyaka riharanira Demukarasi (UDP), wafashwe ajyanwa ku biro by’urwego rushinzwe iperereza arakubitwa bikomeye kugeza apfuye.

Umuyobozi wungirije ushinzwe gahunda muri HRW, Babatunde Olugboji, yagize ati“Guverinoma ya Jammeh yateye ubwoba, ikubita inakora iyicarubozo abo mu mashyaka atavuga rumwe n’ubutegetsi, bazira ko bagerageje guharanira uburenganzira bwabo bw’ibanze bagira ngo bizere amatora aciye mu mucyo. Niba nta gikozwe ngo ibyo bihinduke, abaterankunga ba Gambia bakwiye gushyiriraho ibihano abategetsi bakuru bijanditse muri ibyo byaha.”

Perezida Jammeh yageze ku butegetsi bwa Gambia mu 1994. Biteganyijwe ko amatora y’Umukuru w’Igihugu ataha azaba ku wa 1 Ukuboza uyu mwaka, aho ashaka kwiyamamariza manda ya gatanu.

Iyo raporo yakozwe nyuma yo kubaza abantu basaga 100 muri Gambia, Senegal, Leta Zunze Ubumwe za Amerika kuva muri Werurwe kugeza muri Nzeri 2016, barimo abo mu mashyaka ya politki, abanyamakuru, abayobozi b’imiryango itegamiye kuri Leta, abanyamategeko, abahoze ari abakozi ba leta, abahoze mu nzego z’umutekano ndetse n’abahagarariye ibihugu byabo.

Nyuma y’ibyo, HRW ngo yashyikirije Leta ya Gambia inshamake y’iyo raporo ku wa 19 Ukwakira, ariko yanga kugira icyo iyisubizaho.

Mu myaka 22 ishize, Perezida Jameh n’ingabo ze ngo baranzwe no guhohotera abatavuga rumwe nabo, none ngo babigize n’iturufu muri ayo matora ateganyijwe mu mpera z’uyu mwaka.

HRW itangaje ibyo nyuma y’aho Gambia itangaje ko na yo igiye kwivana mu Rukiko Mpuzamahanga Mpanabyaha ICC rukorera i La Haye mu Buholandi, irushinja kwibasira Abanyafurika gusa.

HRW isaba ko Perezida Jameh n'abandi bayobozi bakuru bafatirwa ibihano

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved