Ibicuruzwa bya Nakumatt muri Uganda byatangiye gutezwa cyamunara kubera imyenda

Yanditswe na Evariste Nsengimana
Kuya 7 Nzeri 2017 saa 01:10
Yasuwe :
0 0

Ikigo cy’imisoro n’amahoro cyo mri Uganda, cyangiye guteza cyamunara bimwe mu bicuruzwa by’ikigo cy’ubucuruzi cy’abanyakenya gikomeye mu karere ka Afurika y’Iburasiurazuba, Nakumatt, kubera kutabasha kwishyara imyenda kibereyemo abaranguzayo ibicuruzwa.

Nakumatt izwi cyane muri Afurika y’Iburasirazuba, muri Uganda ibereyemo umwenda abakiliya bayo w’amashiringi arenga miliyoni 7 n’ibihumbi 300 (hafi ibihumbi 71 by’amadolari y’Amerika).

Guteza cyamunara bije nyuma y’aho abakiliya bayo, bayigemurira ibicuruzwa bo muri Uganda na Kenya bagereje ibirego mu nkiko basaba ko yabishyura amafaranga ibarimo kuko yari iri kubateza igihombo gikomeye kandi binagaragara ko bitayoroheye kubishyura.

The Eastafrican yanditse ko iyo cyamunara yatangijwe wa Kabiri w’iki cyumweru, itangirizwa cyane cyane ku bikoresho bitamara igihe.

Yatangirijwe ku nzu z’ubucuruzi ebyiri za Nakumatt ziri i Kampala mu duce tw’ubucuruzi twa Bugolobi na Kamwokya, bikaba bitegenijwe ko n’ibindi bimara igihe biri mu zindi nyubako ikoreramo bizatezwa cyamunara.

Kugeza ubu, Nakumatt muri Uganda na Kenya ziri mu bihombo bikomeye, aho zirimo imyenda abakiliya bayo y’amashiringi arenga miliyoni 130, asaga miliyoni 1.2 z’amadolari ya Amerika yabambuye guhera muri Werurwe uyu mwaka.

Nakumatt ikorera mu bihugu bitandukanye byo muri Afurika birimo Kenya, Uganda, u Rwanda na Tanzania. Muri ibyo bihugu ikoreramo ihafite abakozi barenga ibihumbi bitanu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza