Impunzi z’Abanye-Congo hafi ibihumbi 35 zicumbitse muri Angola zigundirije gutahuka

Yanditswe na Evariste Nsengimana
Kuya 20 Mutarama 2018 saa 08:23
Yasuwe :
0 0

Impunzi zigera ku bihumbi 35 zo muri Repubulika Iharanira Demokarasi ya Congo ziri muri Angola, zahakanye ko zidashobora gutahuka nyuma y’uko ibihugu byombi bisinye amasezerano yo kuzicyura.

Mu cyumweru gishize nibwo abahagarariye Guverinoma zombi basinye amasezerano yo gucyura impunzi zose zisaga ibihumbi 35, ateganya ko zitahuka bitarenze Werurwe uyu mwaka.

Umwe mu bihayimana Gatolika unakuriye ibikorwa by’imiryango iharanira uburenganzira bwa muntu mu gace izo mpunzi ziherereyemo, António Macoco Muiamba, yabwiye Radiyo Ijwi ry’Amerika ko izo mpunzi zifuza kwigumira muri Angola kugeza igihe Congo izagarukiramo umutuzo.

Ati “Impunzi zandikiye ibaruwa abasenyeri bo mu gihugu cyazo zibagaragariza ibyifuzo byo kwigumira muri Angola kugeza igihe ibintu bizabera byiza.”

Izo mpunzi zahungiye mu Majyaruguru ya Angola guhera muri Werurwe 2016, ubwo mu Ntara ya Kasai yo muri Congo habaga imvururu, zikaza kugenda zikura umunsi ku wundi nyuma y’aho Perezida wa Congo Joseph Kabila anangiye kuva ku butegetsi ubwo manda ye yarangiraga muri uwo mwaka.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza