Kenya: Abashyigikiye Kenyatta baramukiye mu myigaragambyo imbere y’Urukiko rw’Ikirenga

Yanditswe na Ferdinand Maniraguha
Kuya 19 Nzeri 2017 saa 02:33
Yasuwe :
0 0

Amagana y’abashyigikiye Uhuru Kenyatta baramukiye imbere y’ibiro by’Urukiko rw’Ikirenga rwa Kenya i Nairobi barushinja kubibira intsinzi.

Uru rukiko ruherutse gutesha agaciro ibyavuye mu matora ya Perezida yakozwe tariki 8 Kanama 2017, ruvuga ko yagaragayemo amakosa.

Umujinya mu bashyigikiye Kenyatta wasembuwe n’inkuru yatangajwe mu kinyamakuru cyigenga The Standard, ivuga ko abacamanza babiri b’urukiko rw’Ikirenga bashyigikiye ko amatora asubirwamo bamaze guhura n’abanyamategeko ba Raila Odinga. Abo bacamanza bashinjwa ni Philemona Mwilu na Isaac Lenaola.

Inkuru y’icyo kinyamakuru kandi ivuga ko hari n’amajwi y’ibiganiro abo banyametegeko bagiranye n’abacamanza kuri telefone.

BBC yatangaje ko hari n’ikirego cyamaze gutangwa ku rwego rushinzwe imyitwarire y’abacamanza.

Inkuru ya The Standard niyo yabaye ikiganiro kuri Twitter muri Kenya, bamwe bibaza uko icyo kinyamakuru cyabonye amajwi y’abo bacamanza kandi bitemewe ko ikigo cy’itumanaho gitanga amajwi abantu bagiranye kuri telefone bidategetswe n’urukiko.

Komisiyo y’amatora yatangaje ko amatora azasubirwamo tariki 17 Ukwakira 2017, Kenyatta na Odinga aribo bahatana gusa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza