Kwamamaza

Kenya igiye kuvana ingabo zayo muri Sudani y’Epfo

Yanditswe kuya 3-11-2016 saa 07:29' na IGIHE


Kenya yafashe icyemezo cyo gukura ingabo zayo zibungabunga amahoro muri Sudani y’Epfo, nyuma y’uko Umunyamabanga Mukuru wa Loni, Ban Ki moon, yirukanye Umunya-Kenya wari umuyobozi w’ingabo zishinzwe kubungabunga amahoro muri icyo gihugu (UNAMISS).

Kuwa 1 Ugushyingo 2016 nibwo Ban Ki moon yirukanye Lt Gen Johnson Mogoa Kimani Ondieki, nyuma ya raporo yagaragajwe ivuga ko ingabo yari ayoboye zananiwe kurengera ubuzima bw’abasivile muri Nyakanga uyu mwaka, ubwo imirwano yuburaga muri Sudani y’Epfo.

AFP itangaza ko kuri uyu wa Gatatu aribwo Minisiteri y’Ububanyi n’Amahanga ya Kenya, yasohoye itangazo ivuga ko gukomeza kohereza ingabo z’icyo gihugu muri Sudani y’Epfo, byahagaritswe kandi igiye no gukurayo byihuse izariyo.

Iyi Minisiteri ivuga ko yababajwe cyane n’icyemezo cya Ban Ki-Moon kuko kitarimo ukuri n’ubushishozi. Ishinja Umuryango w’abibumbye kudafata ikosa nk’iry’ingabo za UNMISS muri rusange ahubwo ukaribona ku muntu umwe.

Kenya kandi yafashe icyemezo cyo kwikura mu mugambi wo gutanga ingabo z’ubwirinzi mu karere no kuva burundu muri gahunda yo kugarura amahoro muri Sudan y’Epfo.

UNMISS igizwe n’ingabo zigera ku bihumbi 16 zageze muri Sudani y’Epfo kuva mu 2013. Kenya yari ifiteyo abagera ku 1000.

Kwirukana Lt Gen Johnson Mogoa Kimani Ondieki byababaje Kenya ku buryo ishobora gukurayo ingabo zayo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved