Kenya: Kaminuza ya Nairobi yafunzwe by’agateganyo

Yanditswe na Herve Ugirumukunda
Kuya 3 Ukwakira 2017 saa 12:41
Yasuwe :
0 0

Kaminuza ya Nairobi, ifatwa nk’iya mbere ikomeye muri Kenya yafunzwe mu gihe kitazwi, abanyeshuri bategekwa gutaha bitarenze saa tatu z’igitondo kuri uyu wa 3 Ukwakira 2017.

Umuyobozi ushinzwe itumanaho n’isakazamakuru, John Orindi, yavuze ko inteko y’iyo kaminuza yemeje ko ifungwa kubera umutekano muke, nyuma y’imyigaragambyo y’abanyeshuri yabaye mu cyumweru gishize igasiga 27 muri bo bakomeretse.

Daily Nation dukesha iyi nkuru ivuga ko Orindi yahamije ko igihe izongera gufungurira kitaramenyekana. Ati “Tuzatangaza igihe iki kigo kizongera gufungurirwa.”

Ku wa Kane w’icyumweru gishize, abanyeshuri bahanganye n’ishami rya polisi rishinzwe guhosha imvururu, ubwo ryazaga guhagarika imyigaragambyo bakoze bamagana itabwa muri yombi ry’umudepite uhagarariye agace ka Embakasi East, Babu Owino.

Owino ubusanzwe witwa Paul Ongili yahoze ari umuyobozi w’abanyeshuri ba kaminuza ya Nairobi, yafunzwe ashinjwa kwigomeka no gutukana.

Polisi yateye ikigo cy’iyo kaminuza kiri mu mujyi wa Nairobi, ije guhagarika imyigaragambyo ariko bamwe mu bapolisi bashinjwa gukubita cyane abanyeshuri no kubaka amafaranga kugira ngo babarekure.

Mu ijoro ryakeye, abanyeshuri bake bongeye kwigaragambya basaba ko Umuyobozi wungirije w’iyo kaminuza, Prof. Peter Mbithi yegura.

Kuri ubu abahanyeshuri bahagarariye bagenzi babo nabo ntibavuga rumwe. Bamwe bashyigikiye imyigaragambyo yo kwirukana Mbithi mu gihe abandi bashaka ko ibibazo byabo bikemurwa binyuze mu biganiro.

Abanyeshuri basohoka muri Kaminuza ya Nairobi yabereyemo imvururu
Igihe Kaminuza izongera gufungurira imiryango nticyatangajwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza