Louise Mushikiwabo yaganiriye na Perezida wa Gabon ku mishinga ya OIF

Yanditswe na Evariste Nsengimana
Kuya 4 Kamena 2019 saa 12:10
Yasuwe :
0 0

Umunyamabanga Mukuru w’Umuryango w’Ibihugu bivuga Igifaransa(OIF), Louise Mushikiwabo, yagiriye uruzinduko rw’akazi muri Gabon, agirana ibiganiro n’abayobozi bakuru b’iki gihugu barimo Perezida Ali Bongo.

Ni uruzinduko yagiriyeyo kuri uyu wa 3 Kamena 2019, baganira ku gutsura umubano hagati ya Gabon na OIF, imbogamizi n’imishinga uyu muryango ufite nk’uko Perezidansi ya Gabon yabitangaje.

Mushikiwabo yasobanurira abayobozi b’iki gihugu gahunda zitandukanye OIF ifite zirimo izizibanda ku burezi, umuco, siyansi, guhanga imirimo n’ibindi bifitiye inyungu urubyiruko n’uburinganire bw’abagore n’abagabo.

Mushikiwabo yatangiye inshingano zo kuyobora OIF muri Mutarama uyu mwaka nyuma yo gutorwa mu Ukwakira umwaka ushize ashyigikiwe n’ibihugu bigize umuryango wa Afurika Yunze Ubumwe birimo Gabon.

Louise Mushikiwabo yaganiriye Perezida wa Gabon, Ali Bingo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza