Malawi: Haravugwa umwuka mubi hagati y’impunzi z’Abanyarwanda n’Abarundi

Yanditswe na Mukaneza M.Ange
Kuya 17 Kamena 2017 saa 11:45
Yasuwe :
0 0

Leta ya Malawi yamaganye ubushyamirane hagati y’impunzi z’Abanyarwanda n’iz’Abarundi, ziri mu nkambi ya Dzaleka iherereye hafi y’umurwa mukuru Lilongwe,bivugwa ko haba hari ababutakarijemo ubuzima.

Minisitiri w’Umutekano muri Malawi, Grace Chiuma, yatangaje ko nk’igihugu cyabakiriye babajwe n’amakuru y’umwuka mubi hagati y’Abanyarwanda n’Abarundi kandi ukwiye guhita uhagarara.

Ati” Turi hano kugira ngo tubarinde kandi tubacungire umutekano, niba mutangiye kurwana mupfa ibibazo bibatandukanya mu bihugu byanyu […],ntabwo bidushimishije na gato.”

Mu kiganiro na AFP, Umuvugizi wa polisi, Richard Kaponda yahakanye amakuru yari yatangajwe n’ibinyamakuru byo muri Malawi, ko hari Abanyarwanda n’Abarundi bicanye kubera amakimbirane ashingiye ku moko, avuga ko ari ubwumvikane buke gusa kandi nta muntu wapfuye.

Leta y’u Burundi ishinja u Rwanda, gushyigikira abateza umutekano muke muri iki gihugu, ibirego u Rwanda ruvuga ko ari ibinyoma bidafite ishingiro.

Ishami ry’Umuryango w’Abibumbye ryita ku mpunzi, UNHCR ryanze kugira icyo ritangaza ku kibazo kivugwa mu nkambi ya Dzaleka, rigaragaza ko muri Malawi habarizwa impunzi ibihumbi 29, kimwe cya kabiri akaba ari abakomoka muri Repubulika Iharanira Demokarasi ya Congo.

Amasezerano u Rwanda rwasinyanye na UNHCR mu 2009, ateganya ko Abanyarwanda bahungiye muri Malawi bashobora gusaba uburenganzira bwo kuhaba mu gihe runaka cyangwa se bagasaba ubwenegihugu.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244