Misiri: Abantu 30 bagize uruhare mu rupfu rw’Umushinjacyaha mukuru bakatiwe urwo gupfa

Yanditswe na Bukuru JC
Kuya 18 Kamena 2017 saa 07:12
Yasuwe :
0 0

Urukiko rwo mu mujyi wa Cairo mu Misiri rwakatiye igihano cy’urupfu abantu bagera kuri 30 bahamijwe kugira uruhare mu rupfu rwa Hisham Barakat wari Umushinjacyaha mukuru.

Muri Kamena 2015, nibwo Hisham Barakat yapfuye ahitanywe n’igisasu cyari giteze mu modoka yari yegeranye n’iye.

Barakat yari yaragize uruhare mu ifungwa ry’Abayisilamu batari bake bari bashyigikiye Ishyaka rya Muslim Brotherhood ryahiritswe ku butegetsi mu 2013.

Nk’uko BBC dukesha iyi nkuru yabitangaje, Leta ya Misiri ntiyahwemye gushimangira ko yishwe na Muslim Brotherhood ifatanyije n’umutwe wa Hamas ubarizwa muri Palestina, ariko aya matsinda yombi akabihakana.

Umwaka ushize Minisiteri y’umutakano yashyize hanze amashusho agaragaza abantu biyemerera ko bamwishe ndetse bakemeza ko babanje guhabwa imyitozo na Hamas. Nyuma ariko baje kubihakana bavuga ko bari bakorewe iyicarubozo.

Umwanzuro wafashwe n’urukiko ujyanye n’igihano cy’urupfu bakatiwe ugomba gushyikirizwa Umuyobozi mukuru mu idini ya Islam akaba ariwe uwemeza.

Umushinjacyaha Hisham Barakat yishwe mu 2015

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza