Kwamamaza

Misiri: Igihano cyo kwicwa cyari cyakatiwe Morsi cyateshejwe agaciro

Yanditswe kuya 15-11-2016 saa 22:01' na Mukaneza M.Ange


Urukiko rusesa imanza mu Misiri rwafashe umwanzuro wo gukuraho igihano cy’urupfu cyari cyakatiwe Mohammed Morsi wigeze kuyobora iki gihugu, nyuma akaza guhirikwa ku butegetsi.

Morsi yari yakatiwe igihano cyo kwicwa hamwe n’abandi bantu bagera ku 100 mu 2015, nyuma yo guhamwa n’ibyaha byo gufatanya n’abarwanyi b’abanyamahanga [Abashia ba Hamas na Hezbollah] mu gutegura ibikorwa byo gutorokesha imfungwa, mu 2011.

Yanakatiwe kandi igihano cyo gufungwa burundu kubera ibyaha by’iterabwoba.
Inkuru dukesha BBC ivuga ko kuri uyu wa kabiri aribwo urukiko rwakuyeho kiriya gihano cy’urupfu yari yarakatiwe. Ibi bisobanuye ko azongera gukatirwa bundi bushya.

Urukiko kandi rwatesheje agaciro igihano cy’urupfu cyari cyakatiwe abayobozi batanu b’ishyaka rya Muslim Brotherhood n’abandi banyamurwango baryo 25.

Ibi bihano byo kwicwa biteshejwe agaciro mu gihe mu ntangiriro z’uyu mwaka umuyobozi mukuru muri Islam, Grand Mufti Shawqi Allam yari yemeye ko bishyirwa mu bikorwa.

Morsi watorewe kuyobora Misiri muri Kamena 2012 nyuma y’umwaka umwe yaje guhirikwa na Perezida Abdel Fattah al-Sissi icyo gihe wari Umugaba Mukuru w’Ingabo.

Kuva Morsi yahirikwa ku butegetsi mu 2013, ubuyobozi bwataye muri yombi bunacira imanza ababaga mu ishyaka rye rya Muslim Brotherhood aho abagera ku 1400 bishwe, abandi benshi barafungwa.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved