Kwamamaza

Misiri: Urukiko rwashimangiye igifungo cy’imyaka 20 kuri Mohamed Morsi

Yanditswe kuya 23-10-2016 saa 09:41' na Mukaneza M.Ange


Urukiko rw’ubujurire mu Misiri ku wa Gatandatu rwashimangiye igihano cyo gufungwa imyaka 20 cyakatiwe Mohamed Morsi wigeze kuba Perezida w’iki gihugu.

Muri Mata 2015 nibwo Morsi n’abandi bantu 12 bakatiwe gufungwa imyaka 20 kubera uruhare mu mvururu hagati y’abamushyigikiye n’uruhande rw’abataravugaga rumwe n’ubutegetsi bwe zabaye mu 2013.

Morsi ashinjwa kugira uruhare mu kwica abantu bigaragambirizaga hanze y’Ingoro y’Umukuru w’Igihugu i Cairo mu Ukuboza 2013.

Yanakatiwe kandi igihano cy’urupfu no gufungwa burundu mu zindi manza eshatu zitandukanye, ibi bihano ariko byarajuririwe.

Morsi wabaye Perezida wa mbere watowe binyuze mu nzira ya demokarasi anashinjwa ibindi byaha birimo kumena amabanga y’igihugu no gufatanya n’umutwe wa Hamas ubarizwa muri Palestine mu mugambi wo guhungabanya umutekano wa Misiri.

Anashinjwa gutoroka geraza mu 2011 ubwo habaga imvururu zatumye Hosni Moubarak wari Perezida yirukanwa ku butegetsi.

Morsi watorewe kuyobora Misiri muri Kamena 2012 nyuma y’umwaka umwe yaje guhirikwa na Perezida Abdel Fattah al-Sissi icyo gihe wari Umugaba Mukuru w’Ingabo.

BBC ivuga ko uru rukiko rwanemeje ibihano by’abandi bantu umunani baburaniye rimwe na Morsi barimo barindwi bakatiwe imyaka 20 n’undi umwe wakatiwe gufungwa imyaka 10, mu gihe abandi bane batabashije kujurira.

Kuva Morsi yahirikwa ku butegetsi mu 2013, ubuyobozi bwataye muri yombi bunacira imanza ababaga mu ishyaka rye rya Muslim Brotherhood aho abagera ku 1400 bishwe, abandi benshi barafungwa.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved