Moïse Katumbi yasesekaye i Lubumbashi nyuma y’imyaka itatu mu buhungiro

Yanditswe na Bukuru JC
Kuya 20 Gicurasi 2019 saa 01:34
Yasuwe :
0 0

Umunyapolitiki utavuga rumwe na Leta ya Repubulika Iharanira Demokarasi ya Congo, Moïse Katumbi, kuri uyu wa Mbere, yasubiye muri iki gihugu nyuma y’imyaka itatu ari mu buhungiro.

Indege yazanye uyu munyapolitiki wigeze kuba Guverineri wa Katanga, yageze ku kibuga Mpuzamahanga cy’indege cya Lubumbashi, yakirwa n’ibihumbi by’abo mu ishyaka rye riharanira impinduka.

Ku isaha ya 11:45 indege yihariye ‘Jet privé’, (Falcon 7X), yari itwaye Katumbi yageze ku kibuga cy’indege ivuye i Lusaka muri Zambia.

Abayoboke b’ishyaka rye mu gitondo kare bakoraniye ku muhanda wa M’siri, bitwaje amabendera y’amashyaka yihurije hamwe n’irya Katumbi.

Katumbi yavuze ko agarutse kugira uruhare mu kongera kubaka iterambere rya RDC. Yari aherutse gusaba abazajya kumwakira kujyayo bambaye imyenda y’umweru nk’ikimenyetso cy’amahoro.

Uyu mugabo w’imyaka 54 yavuye muri Congo mu 2016 agiye kwivuza ntiyongera kugaruka. Yagiye akurikiranyweho kwigwizaho imitungo ndetse no kwinjiza abacancuro mu gihugu.

Nyuma urukiko rwaje kumukatira adahari igifungo cy’imyaka itatu nyuma yo kumuhamya icyaha cyo kwigizaho imitungo. Urukiko rw’ubujurire ruherutse gutesha agaciro icyo gifungo.

Muri Kanama 2018, Moïse Katumbi yagerageje kwinjira muri RDC aciye muri Zambia ariko ntibyamuhira.

Moïse Katumbi yicaye mu ndege yamusubije muri RDC
Moïse Katumbi ubwo yamanukaga mu ndege yamuzanye
Moïse Katumbi yakiriwe n'abantu benshi cyane
Abayoboke benshi b'ishyaka rye baje kumwakira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza