Kwamamaza

Mozambique: Imodoka yari itwaye mazutu yaturitse, 73 bahasiga ubuzima

Yanditswe kuya 19-11-2016 saa 08:39' na Jean Pierre Tuyisenge


Abantu bagera kuri 73 bapfuye, abandi 110 barakomereka nyuma y’uko imodoka itwara mazutu iturikiye mu Burengerazuba bwa Mozambique, hafi y’umupaka wa Malawi.

Iyi modoka yaturikiye mu gace ka Caphirizanje mu Ntara ya Tete mu masaha ya nyuma ya saa sita kuwa Kane w’iki cyumweru, tariki ya 17 Ugushyingo 2016.

BBC dukesha iyi nkuru itangaza ko icyateye iryo turika kitaramenyekana kuko hari amakuru amwe avuga ko umushoferi ashobora kuba yari yayiparitse ashaka kugurisha mazutu ku baturage, andi akavuga ko ashobora kuba yaratezwe.

Abayobozi bo muri Mozambique batatangajwe amazina bavuga ko iri turika rishobora kuba ryaratewe n’inkuba yakubise imodoka cyangwa umuriro wari uyegereye.

Abatangabuhamya batangaje ko iyi modoka yaguye ku wa Gatatu, nyuma ya saa sita, iza guturika ku munsi wo kuwa Kane, ubwo abaturage bageragezaga kwiba mazutu.

Imirambo y’abapfuye bazabiranyijwe n’umuriro wa mazutu, yasanzwe ahabereye impanuka mu gitondo cyo kuri uyu wa Gatanu.

Mu itangazo Leta yashyize hanze yagize "Tubabajwe n’abapfuye…kandi turigufasha mu bikenewe byose kugira turokore ubuzima tunahoze n’imiryango yabuze ababo”.

Yahise inatangaza iminsi itatu y’igisibo nyuma y’Inama yahuje abayobozi bakuru b’igihugu yari iyobowe na Perezida wa Mozambique, Filipe Nyusi.

Mu minsi ishize, Mozambique yazamuye igiciro cy’ibikomoka kuri peteroli kubera ifaranga ryaho ryataye agaciro ugereranyije n’idolari. Iri mu bihugu bikennye ku Isi aho miliyoni 24 z’abatuye muri icyo gihugu baba mu bukene.

Mozambique yabonye ubwigenge mu 1975, yigobotoye Portugal, ariko n’ubu iracyahura n’ingaruka z’intambara y’abasivili yamaze imyaka 16, ikaza kurangira mu 1992.

Imodoka yari itwaye mazutu yaturitse, abantu 73 bahita bapfa, abagera ku 110 barakomereka

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved