Kwamamaza

Nakumatt irashaka kugurisha 25% by’imigabane yayo kubera imyenda

Yanditswe kuya 31-10-2016 saa 13:55' na Jean Pierre Tuyisenge


Ubuyobozi bwa Sosiyete ikora ubucuruzi mu karere ka Afurika y’Iburasirazuba ya Nakumatt butangaza ko bushaka kugurisha imigabane ingana na 25% mu rwego rwo kugabanya amadeni imazemo imyaka igera kuri itanu.

Nakumatt isanzwe ifite amaduka agera kuri 61 mu karere ka Afurika y’Iburasirazuba cyane cyane muri Uganda, Tanzania, mu Rwanda na Kenya aho bafite amaduka menshi.

Umuyobozi ushinzwe iterambere ry’iki kigo Neel Shah, akaba umuhungu w’Umuyobozi Mukuru wa Nakumatt Atul Ashah, yatangarije Business Daily yanditse iyi nkuru ko bamaze kuvugana n’abashoramari batandukanye ku buryo bitarenze icyumweru bizaba byamaze kurangira.

Yagize ati “ Hatagize igihinduka icyumweru kizajya kurangira amasezerano n’abashoramari yaramaze kurangira, tukazabishyira ku mugaragaro nibimara gutungana.”

Iyi nkuru ikomeza ivuga ko amadeni y’iki kigo yageze kuri miliyari 15 mu mwaka wa 2015 avuye kuri miliyari 4.2 cyari gifite mu mwaka wa 2011, ikibazo cyatumye itinda kwishyura abantu bayigemurira ibicuruzwa.

Shah yavuze ko ibyo nibirangira bizabafasha kwishyura amwe mu madeni bari bafitiye amabanki n’abandi bacuruzi batandunye.

Amakuru yo kugurisha imigabane muri Nakumatt yatangiye kunugwanugwa mu mwaka wa 2009, ubwo itsinda ry’abashoramari bayobowe n’Ikigo cyo mu Bwongereza gikora iby’ishoramari cya Satya Capital, hamwe n’Umuherwe wo muri Sudani Mo Ibrahim basabaga kuguramo imigabane ariko ntibyakunda.

Nakumatt ifite amashami 42 muri Kenya, 92.3% by’imigabane yayo ni iby’umuryango wa Shah na Sosiyete y’ubucuruzi ya Hotnet Ltd ya Depite Harun Mwau, bivuze ko kugurishaho 25 % bitazayibuza kuguma kuba iy’abo bantu.

Bimwe mu bigo biha ibicuruzwa Nakumatt bya tuskys na Naivas bitangaza ko byagemuye ibicuruzwa bifite agaciro ka miliyari 8 z’amashiringi nyamara ibafitiye amadeni.

Abayobozi ba Nakumatt bakomeza batangaza ko hamwe n’ibikorwa by’imari bakomeje gushyiramo umwete, ngo bizeye ko amadeni yose n’ibindi bibazo bizakemuka vuba.

Umuyobozi Mukuru wa Nakumatt, Atul Shah

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved